老鍋台式火鍋 (金馬倫道) (已結業)

呢間鋪頭嘅裝修古色古香，好有詩意，當晚客人也非常多，播嘅歌亦都係以前好紅嘅歌，包括有還珠格格主題曲，好似走進時光隧道。烏梅汁冰涼嘅酸梅湯，係打邊爐嘅好伙伴，酸酸地可以去除食物嘅油膩感。6原個椰青三黃雞湯底方面，揀了原個椰青三黃雞，奶白色的滾湯先煲滾，再另外加入新鮮原隻椰青水，令湯底更加清甜，就咁飲都好好飲，湯入面仲有椰子肉，而雞肉好鮮嫩，呢個湯底真係揀到好岩。安格斯雪花肥牛必叫！$188非常抵食，牛片都幾厚，而且份量頗多，每卷牛肉都夾咗應該有2塊係入面，食上黎，牛肉味濃，加上雪花的脂肪香，好好食。脆骨腩片每塊鯇魚片都好大塊，魚肉彈牙且鮮甜，就算灼耐左都係咁爽脆。手工丸類拼盤總共有五款肉丸，每款有兩粒，分別有芝士牛肉丸，鵝肝墨魚丸，黃金咸蛋黃豬肉丸，黑松露蝦丸等，非常有特色。自家鮮製極品水餃水餃皮好簿，餡料多，點一點醋食，非常鮮味。