京饌 (已結業)

同女兒行完Apm,經過一間叫京饌的京川滬菜舘，裝修雅致，門口的菜牌圖片十分吸引，我們也喜歡食比較濃味的菜式，我和女兒也不約而同説入去食晚餐。砂鍋雲吞雞半隻：份量也不少，半隻鮮雞好鮮嫩，雲吞皮薄餡鮮。湯底內加有金華火腿，味道鮮味十足，大量娃娃菜吸收了湯的精華，又林又鮮甜。上海肉絲炒粗麵：上海麵配肉絲、椰菜絲、冬菇絲、小棠菜，加上特別調製的醬汁炒成，味道濃郁有口感。排骨湯麵：上海排骨即是豬扒，炸至金黃色，外脆肉嫩，避免浸在湯上會林，所以排骨和麵是分開上枱，湯麵湯底不太濃味，清香味道配幼滑的麵條，味道也不錯！炸銀絲卷，外脆內軟，點些牛奶，甜甜的味道，令人食不停口！店內原來做緊寧波菜推廣活動，小食和菜牌上的菜式我們都未食過，真係好想試下，可惜我們下單後望到隔離檯上菜才知道，唯有下次再來試試，女兒笑説母親節請我來食啊！