OM Tapas (已結業)

上網見到呢間西班牙菜餐廳由米芝蓮廚師打理，自然慕名黎試過究竟。餐館設計走工業風，設有開放式吧台座位，加上兩面臨街玻璃，情調唔錯。坐低之後，熱情既侍應主動介紹餐廳招牌菜，無乜頭緒既我，當然樂意接受。前菜先黎過「沙甸魚多士」，肥美多汁既沙甸魚加鮮茄配上麵包，感覺相當match。呢碟八瓜魚墨汁薯蓉，驚喜度十分。八瓜魚鬚爽口有𡁻頭，墨汁薯蓉第一次食，色香味俱全。主菜慢煮豬肩肉，單睇賣相就知唔差，肉汁鎖得住，肉汁四溢配上香口黑椒，口感唔錯👍🏼但期望最大既西班牙海鮮飯就令我有d失望，雖然青口同蝦新鮮，但飯質比較乾身，可能煮飯始終係華人有保證多d😆