博多拉麵別天神 (已結業)

收左工，有同事提議食拉面，經過一番商討，有同事話*別天神*既拉麵都唔錯，最後決定左去食。去到餐廳門口，感覺唔錯，內裡裝潢係典型既日式餐廳，餐單只有兩款拉麵，選左蝦味噌拉麵套餐，套餐只係多左蟹沙津或餃子，選左蟹沙津，沙津好重蟹肉味，易入口，令人一試上癮，拉麵方面，湯味唔錯，但蝦味唔夠，突出唔到其蝦既精髓，拉麵爽口，整體而言，食物與價格都可接受，值得再去。