影片
更多
2021-08-25
87 瀏覽
平時食泰菜比較少接觸船麵，難得行過見到就忍唔住入嚟試吓😙我同朋友都叫咗船麵，一人叫一款湯底，一次過試晒兩款湯底！卜卜蜆黃麵 (船湯) ($88)船湯湯底濃郁入味，入面仲有魚蛋同埋蘿蔔等嘅配料添😙唔單止湯底，連蘿蔔都吸收晒湯嘅精華，配埋黃麵都幾夾！而卜卜蜆份量適中，蜆比想像中大隻，不過食落感覺唔夠鮮甜，不過不失🙈頂級安格斯牛肉金邊粉 (冬陰功湯) ($88)愛辣嘅我梗係要點冬陰功湯湯底🤩飲落去唔會太鹹，可惜個人口味覺得唔夠酸同埋唔夠辣🙈我配料方面就有蝦同埋青口等，望落都覺得好滿足🤣不過安格斯牛肉嘅份量比想像中少🥲我自己覺得金邊粉同冬陰功湯底好夾，每一條金邊粉都完美地掛住湯汁，搞到我都唔忍唔住飲咗大半碗👻泰式龍眼冰特飲 ($28)平時比較少會叫椰汁以外嘅飲品，今日就終於有機會試吓呢款唔少朋友都推介嘅飲品👻飲落好清甜，仲附有唔少龍眼肉，略嫌有少少甜，不過整體上都平衡到🙈泰式青檸梳打特飲 ($28)去得泰國餐廳梗係要叫梳打水！呢款梳打水用咗泰國好出名嘅牌子，之後再自己倒返落裝住青檸嘅杯入面，就完成自製嘅青檸梳打！飲落好清新，係啱晒夏天消暑嘅飲品🍸泰式特色糕點拼盤 ($38)食完正餐梗係要叫埋甜
我同朋友都叫咗船麵，一人叫一款湯底，一次過試晒兩款湯底！
卜卜蜆黃麵 (船湯) ($88)
船湯湯底濃郁入味，入面仲有魚蛋同埋蘿蔔等嘅配料添😙唔單止湯底，連蘿蔔都吸收晒湯嘅精華，配埋黃麵都幾夾！而卜卜蜆份量適中，蜆比想像中大隻，不過食落感覺唔夠鮮甜，不過不失🙈
頂級安格斯牛肉金邊粉 (冬陰功湯) ($88)
愛辣嘅我梗係要點冬陰功湯湯底🤩飲落去唔會太鹹，可惜個人口味覺得唔夠酸同埋唔夠辣🙈我配料方面就有蝦同埋青口等，望落都覺得好滿足🤣不過安格斯牛肉嘅份量比想像中少🥲我自己覺得金邊粉同冬陰功湯底好夾，每一條金邊粉都完美地掛住湯汁，搞到我都唔忍唔住飲咗大半碗👻
泰式龍眼冰特飲 ($28)
平時比較少會叫椰汁以外嘅飲品，今日就終於有機會試吓呢款唔少朋友都推介嘅飲品👻飲落好清甜，仲附有唔少龍眼肉，略嫌有少少甜，不過整體上都平衡到🙈
泰式青檸梳打特飲 ($28)
去得泰國餐廳梗係要叫梳打水！呢款梳打水用咗泰國好出名嘅牌子，之後再自己倒返落裝住青檸嘅杯入面，就完成自製嘅青檸梳打！飲落好清新，係啱晒夏天消暑嘅飲品🍸
泰式特色糕點拼盤 ($38)
食完正餐梗係要叫埋甜品！入邊有兩款糕點，包括泰式椰汁糕 (3件)同埋泰式椰青糕 (3件)，椰汁糕用接成正方形嘅班蘭葉包住，上面係椰汁奶凍，下面就係一啲西米露，一次過食就好似食緊椰汁西米露！而椰青糕甜甜地，層次分明，有種大菜糕嘅感覺🤣🤣
張貼
