4
0
0
等級4
呢日用🐼外送App睇下屋企附近有乜餐廳可以嗌,見到呢間令和小食自取有85折優惠喎!呀媽又話佢係新開,所以就試下啦😊。喺個App訂完餐,去到就已經有得拎,唔使等。小食店位於鯉魚門街市入面,唔使行好入就搵到。舖仔細細,有兩位女店員主理,估計一位負責樓面,另一位負責煮同煎炸。女店員(老闆?)遞外賣俾我嘅時候,仲好識做生意咁同我推銷,話佢哋工場準備整定啲Pack好嘅食物賣,等客人可以買定返屋企放入雪櫃,隨時整嚟食👍。我哋要咗咖哩汁魚麵🐟($36),奉送一支天山雪菊!估唔到魚麵超好食,好彈牙,我感覺似用上百份百魚蛋製成,無加麵粉,好高質,夾埋咖哩汁食好正🤤。不過魚麵份量有啲少,唔夠喉,怪不得有加$10加底呢個選擇!另外,原來魚麵有跟餸的,兩粒牛丸、一粒福州魚蛋(有豬肉餡)同一粒魚棗。🐮牛魔王牛丸非常唔錯,但原價$30/5粒,真係太貴了!Btw枝雪菊都幾好飲,清清地,唔太甜😀。鱈魚粥🍚(大)($22),呢個粥就正正常常啦,粥底夠綿,鱈魚煲溶哂,有少少味,但都係偏淡。整體我覺得唔需要特別試,除非好肚餓。黃金磚($22/11粒),睇張單先知原來加送咗1粒俾我哋😆,果然好識做生意。我拎返屋企途中覺得都幾
更多
136 瀏覽
0 讚好
0 留言
呢日用🐼外送App睇下屋企附近有乜餐廳可以嗌,見到呢間令和小食自取有85折優惠喎!呀媽又話佢係新開,所以就試下啦😊。喺個App訂完餐,去到就已經有得拎,唔使等。小食店位於鯉魚門街市入面,唔使行好入就搵到。
86 瀏覽
0 讚好
0 留言
舖仔細細,有兩位女店員主理,估計一位負責樓面,另一位負責煮同煎炸。女店員(老闆?)遞外賣俾我嘅時候,仲好識做生意咁同我推銷,話佢哋工場準備整定啲Pack好嘅食物賣,等客人可以買定返屋企放入雪櫃,隨時整嚟食👍。
咖哩汁魚麵
$36
96 瀏覽
2 讚好
0 留言
我哋要咗咖哩汁魚麵🐟($36),奉送一支天山雪菊!估唔到魚麵超好食,好彈牙,我感覺似用上百份百魚蛋製成,無加麵粉,好高質,夾埋咖哩汁食好正🤤。不過魚麵份量有啲少,唔夠喉,怪不得有加$10加底呢個選擇!另外,原來魚麵有跟餸的,兩粒牛丸、一粒福州魚蛋(有豬肉餡)同一粒魚棗。🐮牛魔王牛丸非常唔錯,但原價$30/5粒,真係太貴了!Btw枝雪菊都幾好飲,清清地,唔太甜😀。
鱈魚粥
$22
59 瀏覽
2 讚好
0 留言
鱈魚粥🍚(大)($22),呢個粥就正正常常啦,粥底夠綿,鱈魚煲溶哂,有少少味,但都係偏淡。整體我覺得唔需要特別試,除非好肚餓。
黃金磚
$22
84 瀏覽
2 讚好
0 留言
黃金磚
$22
69 瀏覽
1 讚好
0 留言
黃金磚($22/11粒),睇張單先知原來加送咗1粒俾我哋😆,果然好識做生意。我拎返屋企途中覺得都幾重下,返到去發現咦咁大袋嘅、黃金磚原來咁大粒!我本身一直以為係炸豆腐,點知係炸豆卜😅,咁人哋的確無講過係乜嚟,無呃我。味道都OK,炸皮好脆,又唔覺太油。食齋嗰晚可以買嚟加餸。
海鮮炸角
$22
57 瀏覽
2 讚好
0 留言
海鮮炸角($22/9隻),睇單又發現加送咗一粒炸燒賣👏。呢個炸角嘅炸法同黃金磗一樣,脆得嚟唔油,食食下覺得同油炸鬼個外皮有啲似添。不過我對於個海鮮角就有啲失望,小食店話每粒魚角含海魚、八爪魚同墨丸等;我Expect會好彈牙,點知個口感粉粉地,而且好搞笑地魚角入面有粟米粒🤔。小食店會提供泰式甜辣醬或千島醬俾客人點嚟食。
83 瀏覽
2 讚好
0 留言
炸物份量相當多,而且一次過又食唔到幾多,所以呢餐兩個人食唔哂🙈。
110 瀏覽
1 讚好
0 留言
總括嚟講,我認為呢間小食店唔錯,值得一試!雖然喺街市入面,但就咁望落都乾淨衞生嘅。價錢就普普通通啦,炸物幾抵,但魚麵、粥同米粉類就一般,平均都$3x,始終都係似小食,份量偏少。不過咖哩汁魚麵真係十級好食😋,又有幾粒丸做餸同送雪菊,我一定會Encore!聽講白魚蛋都幾出名,下次試埋。最後,我真係幾欣賞女店員,因為佢好有禮貌同好有心經營呢間小食店。實不相瞞,我發現呢間小食店都係聽街坊講佢係撐香港人的店💛。
87 瀏覽
1 讚好
0 留言
266 瀏覽
1 讚好
0 留言
250 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-02-29
用餐途徑
外賣自取
人均消費
$40 (午餐)
推介美食
咖哩汁魚麵
$ 36
黃金磚
$ 22
黃金磚
$ 22