令和小食 (已結業)

油塘站很黃，但偏偏係深藍重地鋪頭仔出於污泥而不染，當然要重重加持見熊貓外賣有呢個option，仲要鋪頭同外送同價，咁有佛心既餐廳必須試試左面係蝦子炒麵，用櫻花蝦同蝦子醬炒到乾身，再灑上葱花，十分香口。相信唔係外送會更好食右面係辣魚蛋，同以前係尖東食既一樣好食 ，我都估唔到17粒可以全部食哂，食得返呢陣味好欣慰佢地鋪頭仲有粥品同其他小食，下次要試埋黃金磚同鱈魚粥先得小店唔易做，街市小食檔有呢個質素更係少見，加油👍🏼👍🏼

放假去九龍鯉魚門行山，出發前先在鯉魚門廣場醫肚。叫咗個黃金炸魚蛋。22蚊11粒配千島醬。媽，好食呀！係彈嗰種白色魚蛋，再炸成金黃。冇睇裝作過程，但應該吸咗油先畀客，唔會話食完一咀油。另外買咗支菊花上山飲，正正常常噉。魚蛋真係太好食，行完再返兜一次加泰式辣醬順便買咗廿蚊返屋企煮米粉

在油塘街市的小食店, 除了本身是黃店外, 她的小食也被一般的有特色. 魚蛋是少見的白身魚蛋, 沒有在製作時受炸, 也沒有太多旳麵粉, 比一般的更有魚味, 也更爽口, 加上辣椒油比起咖喱更惹味; 炸雞扒的份量絕對可以媲美豪大大, 外表看似炸得很燶, 但其實焦香味柔和, 如此大塊的雞扒內裡肉汁依然豐富, 外皮香脆. 配搭的米粉是新竹米粉, 又比起一般的更有誠意就是.

街市裏面竟然有排長龍小店，點都要試一試 買左咖哩魚蛋，炸角，海鮮燒賣同凍牛丸，每樣都好足料!!! 魚蛋好彈牙兼有魚味，完全超水準 炸角拎到返屋企都仲脆卜卜，燒賣同牛丸都好好味。佢仲有好多款小食提供，不過一次試唔到咁多啦。目測佢啲炒面係唔錯嘅，即叫即炒，唔係放一大堆係度裝俾你。佢啲炸物都係即制，熱辣辣 但可能係即制嘅關係要俾少少耐性等，幫襯當日前面大概有十零人，但排左差不多45 分鐘先成功攞到食物 ... 希望可以係呢方面有所改善.. 總括而言絕對係值得一排再排嘅食店!

首先講個黃金蛋，佢係用魚肉白魚蛋上薄粉炸，外面薄脆裡面彈牙，好感動，再講多次，唔係舊時木頭車個d直接炸，個d都好好食，呢個更上一層樓😍之後係個海鮮燒賣，已經好新鮮好夠味，再加埋個辣椒蝦子油，冇錯，係辣椒醬+蝦子油，香辣到根本停唔到口😋最後個鵝肉湯米，鵝鹵得又入味又嫩滑，米粉吸哂d鵝湯味，你叫我一個咁冇耐性嘅人點算，點每次排半個鐘買個餐🤤呢間我真係違背良心都要講：幾好食，嗱，我真係唔會講好好食(雖然真係好L好味)，你真係唔好試如果你唔係住呢區，你會返唔到轉頭🤣

呢日用🐼外送App睇下屋企附近有乜餐廳可以嗌，見到呢間令和小食自取有85折優惠喎！呀媽又話佢係新開，所以就試下啦😊。喺個App訂完餐，去到就已經有得拎，唔使等。小食店位於鯉魚門街市入面，唔使行好入就搵到。舖仔細細，有兩位女店員主理，估計一位負責樓面，另一位負責煮同煎炸。女店員(老闆?)遞外賣俾我嘅時候，仲好識做生意咁同我推銷，話佢哋工場準備整定啲Pack好嘅食物賣，等客人可以買定返屋企放入雪櫃，隨時整嚟食👍。我哋要咗咖哩汁魚麵🐟($36)，奉送一支天山雪菊！估唔到魚麵超好食，好彈牙，我感覺似用上百份百魚蛋製成，無加麵粉，好高質，夾埋咖哩汁食好正🤤。不過魚麵份量有啲少，唔夠喉，怪不得有加$10加底呢個選擇！另外，原來魚麵有跟餸的，兩粒牛丸、一粒福州魚蛋(有豬肉餡)同一粒魚棗。🐮牛魔王牛丸非常唔錯，但原價$30/5粒，真係太貴了！Btw枝雪菊都幾好飲，清清地，唔太甜😀。鱈魚粥🍚(大)($22)，呢個粥就正正常常啦，粥底夠綿，鱈魚煲溶哂，有少少味，但都係偏淡。整體我覺得唔需要特別試，除非好肚餓。黃金磚($22/11粒)，睇張單先知原來加送咗1粒俾我哋😆，果然好識做生意。我拎返屋企途中覺得都幾