牛霸王

營業中

休息中

今日住觀塘嘅朋友帶咗我嚟呢棟工廈覓食聽講呢間牛霸王係新開張無耐一入座職員就好有禮貌同我地介紹餐牌招牌手打和牛漢堡蘭王蛋飯聽講係每日限量供應!!有三款自選醬汁 秘制漢堡汁 白味噌汁同日式咖喱汁自選配料方面就有日式泡菜同芥辣酸瓜最後我地揀咗秘制漢堡汁同日式泡菜厚厚嘅和牛漢堡扒再加埋粒粒分明嘅珍珠米和牛肉質細膩加上煙燻香氣 再加埋蘭王蛋同秘製漢堡汁 呢個配搭食落好驚艷!! 有埋酸甜嘅泡菜中和亦唔洗怕會好膩照燒雞扒飯一上枱就聞到好香嘅照燒味 面頭灑上嘅蔥花再加上煎到金黃色嘅雞扒令人食慾大增呢度好貼心有得比你揀多汁 所以唔洗驚食到一半個飯會唔夠汁而好乾身甘栗紫薯餅栗子同紫薯饀甜而不膩 一啖食落去好有層次感芝麻雞翼外皮炸得金黃酥脆 雞翼肉質鮮嫩 完全吸收咗芝麻嘅香氣