影片
更多
2020-02-20
105 瀏覽
今日放咗工之後約咗朋友係荔枝角食飯👭朋友話想食西餐...所以就即刻OpenRice下荔枝角有咩西餐廳😛見到pizza piazza評價好好，價錢合理，啲食物又幾啱我哋口味，所以就決定去試下😚餐廳設計簡約，牆上掛咗一啲食物嘅海報，再播住輕快嘅音樂~俾客人成個感覺都幾舒服👍🏼我哋一共嗌咗兩個主菜，兩杯飲品同一份甜品~我哋嗌完嘢食之後，店員就為我哋送上餐包🥖有驚喜！個餐包係暖暖哋，外脆內軟，有咬口☺️配埋黑醋同橄欖油食絕值一流😋跟住上嘅係兩杯飲品~我嗌嘅係凍檸檬茶，朋友嗌嘅係花生醬香蕉奶昔🍌🥜特別要講下杯奶昔！飲落去一啲都唔會覺得滯，口感幼滑，會食到一粒粒嘅花生碎🙈雖然好邪惡，但係值得一試！之後就當然到主菜啦🤩我哋嗌咗一個雙拼pizza同西班牙黑毛豬扒🐷pizza有一半係蟹肉大蝦口味🦐🦀而另一半係芝士四重奏口味🧀蟹肉份量都幾多，蝦夠爽口，絕對係誠意之作😍假如你同我一樣都係芝士迷，就一定要試下芝士四重奏pizza🍕結合咗4種芝士，味道非常香濃，但係一啲都唔膩💯至於黑毛豬扒我朋友就讚不絕口😂豬扒又大又厚肉，而且食落一啲都唔韌，又無豬騷味，用咗少少黑胡椒調味已經好好食😇最後甜品我哋嗌咗Tiramis
今日放咗工之後約咗朋友係荔枝角食飯👭朋友話想食西餐...所以就即刻OpenRice下荔枝角有咩西餐廳😛見到pizza piazza評價好好，價錢合理，啲食物又幾啱我哋口味，所以就決定去試下😚
餐廳設計簡約，牆上掛咗一啲食物嘅海報，再播住輕快嘅音樂~俾客人成個感覺都幾舒服👍🏼
我哋一共嗌咗兩個主菜，兩杯飲品同一份甜品~我哋嗌完嘢食之後，店員就為我哋送上餐包🥖有驚喜！個餐包係暖暖哋，外脆內軟，有咬口☺️配埋黑醋同橄欖油食絕值一流😋
跟住上嘅係兩杯飲品~我嗌嘅係凍檸檬茶，朋友嗌嘅係花生醬香蕉奶昔🍌🥜特別要講下杯奶昔！飲落去一啲都唔會覺得滯，口感幼滑，會食到一粒粒嘅花生碎🙈雖然好邪惡，但係值得一試！
之後就當然到主菜啦🤩我哋嗌咗一個雙拼pizza同西班牙黑毛豬扒🐷pizza有一半係蟹肉大蝦口味🦐🦀而另一半係芝士四重奏口味🧀蟹肉份量都幾多，蝦夠爽口，絕對係誠意之作😍假如你同我一樣都係芝士迷，就一定要試下芝士四重奏pizza🍕結合咗4種芝士，味道非常香濃，但係一啲都唔膩💯
至於黑毛豬扒我朋友就讚不絕口😂豬扒又大又厚肉，而且食落一啲都唔韌，又無豬騷味，用咗少少黑胡椒調味已經好好食😇
最後甜品我哋嗌咗Tiramisu😚口感Creamy，甜度適中🥳好滿意🥰
張貼
