神石燒牛扒炸物專門店 (已結業)

今日行過形點見到新開左間神石燒肉，即刻心動想試下。一坐低店員推薦二人餐，於是我地決定試試日本A5佐賀和牛二人前。先黎一碟日本鹿兒島A5和牛肉眼及一塊熱騰騰石板，店員還溫馨提示，石板唔夠熱可以隨時叫他們更換，簡直係貼心的服務。和牛除左望落油脂分佈平均，食落更入口即溶，值得一試。此外，不得不提是這塊美國極黑毛豬，超級大塊，超級厚身，食落好有咬口，正！仲有，餐廳是半放題形式，有飯、湯、沙律菜、薯仔沙律無限任食，超抵食！