更多
2021-03-31
746 瀏覽
自從舊年喺佐敦第一次幫襯過壽司郎之後自此就念念不忘佢唔單止平靚 仲要正款式又比出面特別同多所以自此其他連鎖壽司店就自動喺腦海入面消失咗不過呢間嘢真係唔係講笑無論你邊日同咩鐘數去 佢都係大排長龍呢日係星期日傍晚六點半 冇乜幾何身處黃大仙嘅我哋本住「實驗」心態 去會一會當區嘅壽司郎睇吓質素同幫襯開嘅藍田同佐敦爭幾遠(答案係冇乜分別)當日打開壽司郎個APP 見到有幾間分店已經連WALK IN都截埋咁啱黃大仙分店未截喎 梗係九秒九衝過去啦拎住張飛 望見前面仲有一百張枱就決定喺黃大仙行個大運先行咗成個鐘返到嚟都仲未到最後 以一小時四十分鐘嘅佳績等到入座(有朋友話真係唔算耐喎)好喇,戲肉嚟喇,我哋要介紹嘅美味壽司分別係: 1) 螢光魷魚沖漬是咁的,呢款雖然有啲腥,但係加埋佢獨特嘅咸香同鮮甜味,識食一定會追住食。2) 日本產頂級池魚呢款好似係限定款,佢亦不負所望相當肥美,油脂香同魚肉香平衡得好,雖然望到血,但就零腥味。3)鹽醋漬鯖魚嚟到呢度,相信大家都知我係幾咁重口味。但必須說,鯖魚熟成後嗰種咸咸香香嘅酸味真係好吸引,介乎咸魚與好味嘅紅肉之間,喺第二啲壽司身上絕對體驗唔到呢個味道。4)鮟鱇魚肝軍艦鍾
自此就念念不忘
佢唔單止平靚 仲要正
款式又比出面特別同多
所以自此其他連鎖壽司店就自動喺腦海入面消失咗
不過呢間嘢真係唔係講笑
無論你邊日同咩鐘數去 佢都係大排長龍
呢日係星期日傍晚六點半 冇乜幾何身處黃大仙嘅我哋
本住「實驗」心態 去會一會當區嘅壽司郎
睇吓質素同幫襯開嘅藍田同佐敦爭幾遠(答案係冇乜分別)
當日打開壽司郎個APP 見到有幾間分店已經連WALK IN都截埋
咁啱黃大仙分店未截喎 梗係九秒九衝過去啦
拎住張飛 望見前面仲有一百張枱
就決定喺黃大仙行個大運先
行咗成個鐘返到嚟都仲未到
最後 以一小時四十分鐘嘅佳績等到入座(有朋友話真係唔算耐喎)
好喇,戲肉嚟喇,我哋要介紹嘅美味壽司分別係:
1) 螢光魷魚沖漬
是咁的,呢款雖然有啲腥,但係加埋佢獨特嘅咸香同鮮甜味,識食一定會追住食。
2) 日本產頂級池魚
呢款好似係限定款,佢亦不負所望相當肥美,油脂香同魚肉香平衡得好,雖然望到血,但就零腥味。
3)鹽醋漬鯖魚
嚟到呢度,相信大家都知我係幾咁重口味。但必須說,鯖魚熟成後嗰種咸咸香香嘅酸味真係好吸引,介乎咸魚與好味嘅紅肉之間,喺第二啲壽司身上絕對體驗唔到呢個味道。
4)鮟鱇魚肝軍艦
鍾意食肝嘅你,尤其鵝肝同鴨肝,呢款真係唔可以唔點,香到你會覺得幸福。
5) 池魚配香味野菜&芝麻辣醬
呢個又係限定款,魚香、野菜香、蔥香(我食到有)同辣醬配合得天衣無縫,唔睇個樣以為食緊阿媽家姐。 (OMAKASE SUPPOSE上碟係靚仔好多)
6) 連免費嘅芥辣都好食過人!
好喇,有好必有壞,有個絕對唔推介大家試嘅係
1) 燒鱈魚子配忌廉芝士軍艦
四個字-咸到飛起
由於唔係咁餓,前後食咗12碟就走人,埋單只係180幾銀,堅係抵。
張貼