涮一煱 (已結業)

打黎訂位諗住食雞煲，店員話推出左個新既海鮮五層塔，要訂位先有，就一於就一試。去到餐廳雖然細，但係上食物既速度會快D,店員既服務亦好好。首先最低個層係湯，建議大家可飲一啖先，已經覺得好好味。跟住店員再將D一層層既海鮮塔放上去，等大概10分鐘就食得。海鮮眞係好新鮮好鮮甜，值得一試。最後再飲多啖湯，D海鮮既精華落曬去，同之前第一啖湯又唔同左，味道變濃左，又係另一番風味！黑松露蟹肉餃好有黑松味，鮮炸響鈴新鮮即炸夠"趣"，皮蛋薑汁貢丸超彈牙，樣樣都好新鮮好好食，下次一定會再黎！