涮一煱 (已結業)

間野係愛心狗狗人士開的 識多一個狗朋友 間野又好食 有狗朋友的朋友上去食野可以食住傾下狗狗心得 佢地好健談 淨係老細豪爽的氣勢已經令我深表吸引有機會帶我啲狗上你到食野ha生左4隻 報下平安

超x唔抵食，成千蚊得4層海鮮，仲要款款質同量都其差，得個湯做底，叫人飲湯飽咩！！！另加粉麵餸就要加錢，重點係響鈴都要加58、出前一丁加18！！！人都未食飽就成惠千幾蚊，仲要加一，好唔得，救哂命，唔好比我再見到佢！仲有個廚師食煙，唉！好臭！頂唔順！火起！你哋唔係仲去啊嗎！

同啲同事.係佐敦放工 行過 見到就入左去食 意外地好食我地叫左個藥材湯底 勁足料 有准山 紅棗 杞子 最初覺得應該好唔好食 但係估唔到 都幾夾 之後要講既就係呢個牛肉 好冧 好有牛味 一個字正並唔無用普通蟹柳 而係蟹棒 好鮮味

遲來的食評，亦係第一編食評用餐日期: 14/12/2015因為同朋友慶祝生日，所以上網搵下邊間海鮮塔好食，見涮一鍋評語幾正面，所以就試下店舖環境: 遠離嘈雜，聯誼傾計好地方服務質素:上至老闆下至店員，招呼週道。老闆好好咁介紹左個海鮮塔有咩野食，夠鐘開蓋果陣老闆娘好細心咁幫我地處理海鮮汁。員工清潔樓下速度及效率高，即使打邊爐張枱依然冇食物殘渣，快速處理。所有全程用餐舒適。食物:海鮮-新鮮，鮮味。牛肉-價錢偏高,但食左一塊之後覺得值回票價，好有入口即熔同香軟既感覺菇-新鮮爽口響鈴卷-一定要試即叫即炒，完全冇油抑味酒水我地一行4人，見到牆身有美國入口水果酒，就點左黎試下，結果試完就愛上了。水果酒有石柳，菠蘿，芒果同橙味。個人最愛係石柳，果味好清新而又唔太甜。老闆娘知我地慶祝生日，仲送左支俾我地。店舖夜晚2點山門。十一點左右只有我果枱客。但都冇趕客走仲叫我地唔洗急慢慢坐。小店而有一流既服務態度，一定會有下次

朋友介紹嚟試吓呢排好hit的海鮮層層塔打邊爐.  原先個塔4人份為688一set, 而家6人份就每人加兩舊(好似唔係好啱比例, 因為都係得一個鍋....)~海鮮份量ok, 每人都會有一隻蟹, 另外仲有蝦, 蜆, 扇貝&鮑魚, 最好味係個湯底, 蒸海鮮之前試咗一啖已經覺得好清甜, 蒸完之後仲正 , 真係甜到冇朋友, 一人飲咗一碗之後就用個湯底打邊爐嘞不過點咗唔係好多嘢啫魚片頭係即炸的, 好正, 另外還點了響鈴($48)都係即炸的, 加落個甜到爆的湯底度仲好食; 肥牛都好味, 好有肉味冇筋, 價錢OK.呢度地方唔大, 好彩訂咗位, 不過未埋單啲員工就起勢咁執枱, 都唔理啲客仲飲緊嘢傾緊偈, 就真係....

又係食生日快嘅時間，姊妹們提議要試新潮火鍋，貼近潮流，所以嚟到涮一煱。店鋪位置都幾難搵，好彩今日sharp走去會合姊妹，唔係嘅話，我諗方向盲嘅我應該未必成功到達。店面面積頗細，好迫，唔算坐得舒服，日頭似做茶記生意，夜晚轉陣做火鍋。由於我哋一行8人，所以叫咗2個4人海鮮塔。 食完再叫咗幾碟邊爐料。埋單唔算平，小妹覺得偏貴，性價比唔高，不過抱住緊貼潮流嘅心態一試無妨。四層塔分別有幾款唔同嘅海鮮，部份人頭份量，例如鮑魚，花點蟹，扇貝， 另外青口，蜆，蝦就會多啲。蒸海鮮之前店員幫我哋裝咗碗湯，話係師傅秘制，啖湯唔錯，之後就開始計時蒸海鮮，呢個時候梗係吹下水等食啦。十幾分鐘後聽到du du du du, yeah! 終於食得， 店員將個塔分拆，可以一邊飲湯，一邊食海鮮，都幾得意，只係枱面細，冇咩位，食得好"呢hea".食完個塔唔係好滿足，半飽都冇，加湯後叫咗響鈴，手切牛，黑松露芝士丸，生菜，餃子，雲吞等。 總數埋單1800左右，都唔平呀，雖然海鮮新鮮但用嘅唔算得上係貴食材， 起碼唔係用奄仔蟹，但為跟上潮流，一試就算吧！

想不到佐敦區原來那麼多火鍋,要不是友人相約到此我看我是絕不知道.但可能由於真的太多了,行了多間也想不到吃那一間較好,最後都是沒興趣再行下去之下才入到這一次涮一鍋餐廳人流不多,可能由於這一區太偏遠了,食物方面質素不差的魚湯湯底不錯,飲用也可以響鈴炸得香脆,放進鍋裡一會兒便可進食,咬口一流美國牛肉也是不錯,非常鮮嫩,入口即溶不過甜薯仔則普通,不夠鮮甜而丸裡則沒多大特別2人一起吃了7樣菜,都是約300多元,價錢算是公道的

7月第一個星期六見得閒~就約表弟兩公婆+阿E食火鍋星期三已經打去訂檯~想訂兩間火鍋店都話星期六full晒我話唔老黎..唔搵啦! 叫表弟搵..佢搵左"深水埗 - 鍋X"依間上年同另一半食過~食物都ok..不過最唔like個男店長但其他職員服務ok既~如果唔係表弟揀..我地唔會再幫襯同埋..想訂果兩間火鍋店真心想試~上星期問定表弟話得閒唔駛急..最緊要快! 即刻訂檯~7月第二個星期六又見面(YES)依日補返..想去既其中一間火鍋店"涮一鍋"(醬料$10/位)點解咁想去? 因為近排潮食"海鮮層層塔"但講真!! 太多層我又無興趣~依個只係5層(連湯底)少少地過癮玩下又可以食其他野..起碼無咁單調滾起個"艇家鮮味湯底"..先喝一口清甜湯味道有點魷魚香~仲有突出既頭菜鹹度"海鮮層層塔"($688/4人份量)4人以上可加海鮮料($200/位)~我地5個人..純粹一試(無加)層層塔如果想轉其他海鮮~訂既時候..價錢再商議海鮮依快熟程度排序~透過揮發湯底蒸氣粒子水份蒸熟比清蒸既味道~多一份微點清甜湯味而蒸海鮮既同時~食材會滲出原汁海鮮汁透過蒸籠孔滴漏..與湯底融和再嚐一口湯~多一份海鮮味..湯底比前次濃

佐敦區入夜後街上雖然非常冷清,但卻有多間打邊爐聖地在此,今天來到其中一間打邊爐聖手涮一鍋每次打邊爐前,最煩惱的一樣東西便是選湯底,來到涮一鍋會更有這種煩惱,因為吸引的湯底實在太多,最後還是相信店家推介的川弓白芷魚鍋湯底這裡的湯底不只是用來滾熟食物,上湯是可以喝的,味道實在不錯,沒有添加任何味精,純天然味道是最值回票價的炸響鈴是我的最愛,這裡的炸響鈴更是鎮店之作,店家在廚房內炸好不久後便立刻上台,放進鍋裡時還是熱度十足,"炸炸"聲的在鍋裡翻滾一會便可入口,口感非常香脆日本紫薯作為凍吃確實一流,薯味濃郁,咬口煙韌,必吃之選豬肉拼盤是這裡的火鍋食品必點之選,每一樣也非常新鮮,而且店家自行調制後味道變得更出眾,但要留意豬肉必須完全熟透後才可放進咀裡呢其實還有很多出色的菜式,但不一一寫出來了,因為打邊爐一定要親身試過才可試出感覺,反正這兒店家真的每樣菜式也花很多心思進去!!!

今個星期六球季完晒，要夜d先有波睇，跟住d屋企人問冇节目就话去试下個五層海鲜塔，甘就星期五晚即打去訂台啦！ 今次已經系第三次黎,知道今晚食海鲜更系带返支私家白酒嚟啦，餐前叫左個蟹子沙律，椒盬軟脚蟹，個蟹子沙律用日式海草整别有一番风味，個椒盬軟脚蟹比d椒盬鲜尤更上一層楼值得一試，可惜無影到相 開始时老板娘话試下個艇家鲜味冬瓜湯底先，佢話甘就分别到之後果啖湯有几鲜味，開始一試個湯已经好鲜味好清甜 跟住海鲜上台，因为我地吾食蟹所以要求改其他，佢就见龍虾仔几靓，当然要加錢啦，不過吾紧要啦最紧啦做到野 d龍虾仔上台仲郁架，鲍鱼，蟶子，蚬，螺，虾样样新鲜份量十足跟住蒸佢丈約十分钟 时间一到首先就用竹櫼系甘攻击d蚬又螺又蟶子點埋個香辣酱就一流 接隻d鲍鱼，扇贝，虾無一幸免，最後龍虾仔鲜味一流 ，經過一輪不停攻击後就更要試下個湯底，一試真系比之前頭啖湯更鲜更甜無得輸 ，飲完加湯再試招牌野黑松露蟹肉餃，鄉令，薑汁皮蛋贡丸一定要叫，肥牛，牛肉粒就更加吾小得，個黑松電蟹肉餃今次改良左個皮同包法比之前更可以食到啖啖肉，今次佢地第一次嚟食都話正，都急不及待出fb，不過如有雷同實属巧合！四個埋单每人都系三百几食到

打黎訂位諗住食雞煲，店員話推出左個新既海鮮五層塔，要訂位先有，就一於就一試。去到餐廳雖然細，但係上食物既速度會快D,店員既服務亦好好。首先最低個層係湯，建議大家可飲一啖先，已經覺得好好味。跟住店員再將D一層層既海鮮塔放上去，等大概10分鐘就食得。海鮮眞係好新鮮好鮮甜，值得一試。最後再飲多啖湯，D海鮮既精華落曬去，同之前第一啖湯又唔同左，味道變濃左，又係另一番風味！黑松露蟹肉餃好有黑松味，鮮炸響鈴新鮮即炸夠"趣"，皮蛋薑汁貢丸超彈牙，樣樣都好新鮮好好食，下次一定會再黎！

鸡煲+火锅上次已試過，今次再嚟試過今次嚟見到門口寫火锅湯底加一蚊就岩晒啦鸡煲保持到水準加埋鲍鱼，黄喉夠晒冶味，同时叫多個苋茜皮蛋湯底双管齐下，即刻落左鲜牛肉粒煲冧佢，跟住試個黑松露餃，食到d一丝既滑肉，跟住见到廚师傑哥問下系乜嚟，佢話系鲜蟹肉，而且好受歡迎差吾多要即包甘济，顺便吹下水攞下意见，個薑汁皮蛋貢丸好味，鲜鱼三角好嫩滑，牛肉粒滚耐d都甘有肉汁，乡鈴就吾洗講點酱即食都得，總括都好有心好有水準，都系三百蚊位度，仲见到佢地会推出五層海鲜鍋下次再去試下先

朋友告之 仁敦有一間火鍋店有鮑魚雞煲食為食既我當然即時拉隊去享受(・Д・)ノ一進到店內 老板娘跟師傅很熱情地向我們介紹他們的人氣菜式同埋時令海鮮(・Д・)ノ 老板娘話每日返既海鮮都唔同 會睇邊D又新鮮又靚亦設有預訂海鮮服務 很周到呢( ´ ▽ ' )ﾉ在選擇醬汁食火鍋雞煲時 老闆娘特別推介了他們家的自家製醬汁不需要再加上什何材料 只需在食食用時加上小量湯底中和就可以了( ´ ▽ ' )ﾉ味道帶微辣 蒜味濃 非常開胃(・Д・)ノ我們點了涮涮辣雞鍋作為我們的主打雞煲其間限定有鮑魚雞煲 我們二話不說就馬上吃了(・Д・)ノ鮑魚炆得好林 雞肉嫩而味道跟街外味道有別 就好似一個小炒咁 醬汁比較濃郁味道 ★★★★☆賣相 ★★★★☆價錢 ★★★★☆原來還擔心加湯後 味道會否不夠濃郁 點知原來只係自己多心( ´ ▽ ' )ﾉPRIME 亞花手切牛肉一向出名濃濃牛肉味 打邊爐食完全吃到其牛肉味又香又嫩 可謂回味無窮( ´ ▽ ' )ﾉ味道 ★★★★★賣相 ★★★★☆價錢 ★★★★☆這個火鍋拼盤不得不提 老板可謂相當細心見我地4個小女孩又想食多多種類但又細食 好細心地建議我們可以有一些食材叫半份一人一舊 份

昨天朋友說他家樓下有間好像新開的火鍋，約了我們去他家打麻雀後落去試一試先。我們預先訂了位，餐廳不太大，格局有點像茶餐廳。我們一行四人，便選擇了卡位。第一時間當然看看餐牌，原來這裡有很多不同的鍋，不過今天決定先試雞鍋。店員說這個香辣醬是他們自行調製的，香味十足，他們還教了我們可以1小匙醬混2湯匙火鍋湯，連豉油都不用沾。朋友看見這個說是必點，這是生醃的螄蚶，是我第一次試。肉質爽，味道少少鹹、辣，由於是生的，所以味道很鮮。剛吃完小吃，主角便登場了，我們點了一個是小辣的雞鍋，還貪過癮加了四隻鮮鮑，優惠價$10/隻。這個雞鍋比起坊間的味道有點不同，不太像麻辣那種香料很多的，不會把舌頭也麻痺了，反而味道有少許偏甜。而那隻10蚊鮑也很新鮮，10蚊算是物超所值的。而主角中的主角-雞，雞肉肉質不會太老，而且很入味，我們不是吃很辣的人，但雞鍋不辣又會失去風味，這個小辣恰到好處。雞吃得差不多，決定要叫涼茶下下火，涼茶是自家製的，今天有的是羅漢果茶，羅漢果味重。之後火鍋料終於來了，胃容量有限，我們請店員替我們柯打半份，希望能多吃不同的食物。先來的有黑松露蟹肉餃、豬蹄筋、豬黃喉、豬腸、茭荀和蟹柳等等，我們專簡一

近排天氣開始熱，本來已經忘記左雞煲喺依個世界上嘅存在……某日喺facebook見到住佐敦嘅舊同學like左間餐廳，就八卦禁入去睇下好似幾好味，就約左依個舊同學去食依間涮一鍋喇！雞煲未嚟之前點左兩個小食嚟開醫下肚先，第一個係〈家鄉醃螄蚶〉。我地同行4人都未食過螄蚶，依味小食係店員推介…係潮州嘅特色野，用秘制醬汁生醃的！用手打開個殼…見到紅色嘅肉…鮮甜味配上醬汁嘅少少辣，好開胃！另一個小食係有少少中西合壁嘅〈白酒煮花甲〉。依個係喺常規meun冇嘅菜式，期間限定咁岩有靚花甲先會有！大大隻花甲啖啖肉，啲白酒湯汁飲落勁甜…喺煮嘅時候精華出晒嚟！Lam Lam利呀！主菜嚟喇〈涮涮辣雞鍋〉之追加每人一鮑魚！追加鮑魚係$10一隻，即刻成個雞煲富貴晒！一打開個蓋陣陣香料味飄出嚟，除左雞仲有好豐富嘅配料：香蔥，莞茜，洋蔥，木耳，蒜頭！…即刻食左隻鮑魚先，非常彈牙…細細隻又估佢唔到鮑魚味咁濃喎！之後夾舊雞翼食下先，香料味冇完全蓋過雞嘅鮮味…平時食啲雞煲一味得個辣，辣到唔知食緊乜！但依個完全唔會…微微嘅麻香配上雞，真係雞都仲食到有雞味的！食完啲雞梗係要追加野食打邊爐啦，先嚟海鮮！店員提提我地食海鮮嘅話最好打嚟