上海珍珍排骨麵 (已結業)

同老公嚟呢間上海珍珍排骨麵食早餐連晏，我叫左個魚肉腐皮雲吞麵飲熱豆漿，老公就叫左排骨雲吞麵亦係配熱豆漿。豆漿先上，飲落豆味都幾濃，甜甜地幾好味。跟住上魚肉腐皮雲吞麵，魚肉腐皮係用另外一隻碟上嘅，腐皮咬落好鬆脆，入面嘅魚肉除左魚味仲會食到有果皮味，味道調得啱啱好，外鬆脆肉香軟，吃落唔油膩，讚！雲吞咬落仲可以食到肉碎的質感，肉質唔會“霉”，都幾好味。試左一塊排骨麵嘅排骨，外皮鬆脆，豬排的肉仲幾juicy唔會乾憎憎。總括嚟講呢2個麵都各有特色亦好好味，值得一吃！