上海珍珍排骨麵 (已結業)

這麵店開了很久，機緣巧合下，今天終於光顧了。由於不是繁忙時段，客人寥寥可數，因此坐得很舒服看過餐牌後，叫了排骨牛腩雲吞麵🍜，一碗麵裏可品嚐3樣食材，不錯呢，價格也不貴($52)1.炸排骨好味，做到外脆卻不油膩，肉質挺好2.雲吞是菜肉雲吞，不錯3.唯獨牛腩，如弄得淋一些就更好4.上海麵質感適中，好味5.凍奶茶的味道也不錯，有奶茶香，喜歡，下次叫少甜更合我總括而言，一碗排骨牛腩雲吞的3餸麵，個人覺得是性價比高的

《上海珍珍排骨麵》 #食在元朗📍元朗教育路75號地舖-其實好多年前佢新開嘅時候已經食過一次覺得唔好味 但見佢生存到咁多年就比多次機會佢.🔹香滑雞球XO醬咸肉菜飯 $47我好鐘意食菜飯🤤但呢到嘅菜飯都幾普通 d菜又小想健康小小唔食炸野 叫左香滑雞球 味道幾好 但份量有d小成碗野都係靠d XO醬撈飯😂 但XO醬撈係幾好味嘅.ummm 好啦 暫時都係唔會有下次呢個故事教訓 中過伏就不要再嘗試.3.5/10

平日十二點，天落住大雨，筆者無帶遮係街就嗱嗱臨入呢間上海檔避雨兼搵食。入到去餐廳唔多人，難得可以唔洗逼慢慢食等停雨。筆者少諗就單點左碗排骨麵食，唔使十分鐘就上到。食麵例牌先試試個湯底，聞起上黎有啲似福麵湯包既氣味，飲左啖發覺無咩特別，純粹係有啲咸味既上湯。再試左幾口上海麵底，麵係偏粗既，食落去質地同味道都好似屋企煮既噹噹日式烏冬咁，問過如果麵底揀上海粗麵既話會係烏龍麵既粗度。最後就係排骨喇，佢其實係一碟切開左既炸豬柳，炸起既色澤都唔錯，可惜食落仲有少少柴口。其實餐廳既環境都唔錯，裝修有番咁上下格調，喇叭播住譚詠麟演唱會，聽住愛在深秋，望住出面既滂沱大雨，都叫做可以做一個放鬆下自已既午餐。食完埋單坐左陣都仲落緊雨...

早幾日食完，想推薦比朋友幫襯，但看到這裏的食評竟然咁多負評，有點難以理解。食物本身我是挺欣賞的，排骨尤其不錯，外皮脆口，豬肉醃得入味，肉質是較乾身但未至於柴皮，而且夠厚身之餘亦唔難咬。比連鎖店的炸豬扒好吃得多。碗中的雞脾肉亦十分不錯，十分嫩滑，有種小時候阿媽在家中蒸雞脾的味道。要說比較差的是碗中的菜，又老又多根，而且都只有葉，沒有芯，很難吃。而且店員有誤導之嫌，本來唔打算飲，但聽說跟餐飲品半價，於是㨂左飲豆漿，但點完先知豆漿只減一蚊，不是半價，咁做乜落單果陣唔出聲？幾蚊雞豪比佢算，但有被騙感覺。綜合而言，只能給ok 評級。

平時也會在不同的餐廳品嘗上海麵，但總是有所不足今日路經教育路，卻遇到一間不錯的上海麵家。環境光鮮，也十分乾淨。看看餐牌，選擇多不過來來去去也是幾款餸來作配對，排骨、菜膽、紫菜腐皮等等，但當然排骨是一款主打菜式。先點一下相當特別的紫菜腐皮（未試過）排骨麵，麵方面也有不同選擇，米粉、粗麵等等，當然來到上海麵家，就一定要選擇上海幼麵。平時在其他的餐廳所吃到的上海麵大多數煮得太淋，但這間店的上海麵香且有咬口炸紫菜腐皮香口，而炸排骨方面雖有些油，但肉汁豐富，而且不會太膩。下次想吃上海麵，多了一個美味的選擇

平時食得太多茶餐廳有點悶，今天同老婆行開元朗教育路，又稱美食一條街，於是幫襯一間新派上海舗，叫上海珍珍排骨麵的舖頭。這間舖頭的環境感覺好乾淨，樓底高空間感夠，而裝修又唔老土，一點也不似舊式上海舖。我同老婆叫左一碗魚肉腐皮雲吞麵、一碗排骨雲吞麵、另外再叫多兩杯熱豆漿，盛惠$102。雲吞麵的湯底是清湯底，味道調較得好好，無味精，熱辣辣好好味。而麵底是上海麵，口感適中，唔太硬又唔太軟。雲吞好彈牙，肉汁夠。魚肉腐皮的魚肉好新鮮，腐皮熱辣辣好脆口，似即炸。而排骨都好味，份量略為小一點。而兩杯熱豆獎味道一般，有點細杯。總結，值得再去幫襯。

同老公嚟呢間上海珍珍排骨麵食早餐連晏，我叫左個魚肉腐皮雲吞麵飲熱豆漿，老公就叫左排骨雲吞麵亦係配熱豆漿。豆漿先上，飲落豆味都幾濃，甜甜地幾好味。跟住上魚肉腐皮雲吞麵，魚肉腐皮係用另外一隻碟上嘅，腐皮咬落好鬆脆，入面嘅魚肉除左魚味仲會食到有果皮味，味道調得啱啱好，外鬆脆肉香軟，吃落唔油膩，讚！雲吞咬落仲可以食到肉碎的質感，肉質唔會“霉”，都幾好味。試左一塊排骨麵嘅排骨，外皮鬆脆，豬排的肉仲幾juicy唔會乾憎憎。總括嚟講呢2個麵都各有特色亦好好味，值得一吃！

晚上食飯經過見到呢間上海野，見佢環境望落幾舒服，坐位唔算迫，又未食過呢間，所以就決定試一試。兩個人食晚飯，呢餐叫左上海排骨粗炒、炸雞奕同一碗三餸的麻辣湯底上海麵。排骨粗炒的排骨肉質堅硬，外皮炸得太老，炒麵有色澤但咬落似食粉團，麵冇曬彈性，就好似雪過落雪櫃隔夜再叮返一樣。炸雞奕正常。麻辣湯底麵有三個餸揀，㨂左雞、牛腩同餃子。雞肉望落好嫩滑，咬第一啖發現似煲湯湯渣果d雞，牛腩、餃子正常，但湯底味道完全係同飲緊支麻辣鮮露冇分別。總結，難食。

呢間珍珍 真真驚喜人大左好又一餐唔好又一餐食田雞為求果腹都...好耐無食過一餐咁爆架喇！今餐係度叫左3碟野分別有...：招牌排骨上海粗炒！？排骨似豬肉乾 柴皮咁 又無味炒麵無得頂添呀多油 而乾身 咬開仲可以見到麵粉既顆粒認真夠新鮮囉...三餸麵牛腩還好啦 雲吞比佢過啦雞球！？我相信應該係煲完湯架...又乾又鞋又無味麻辣湯底...呢part可能重成本喇味似名震日本既麻辣鮮露炸雞翼....油溫太高喇雞皮硬到咬落去會牙痛唔影相喇過左今晚 我會忘記左呢餐飯 呢間食店

環境舒適 員工有禮由於係平日夜晚去既關係，舖頭客人唔算多，坐卡位幾闊落。員工服務亦都非常殷勤有禮貌，服務態度一百分！落左單，食物亦都好快送到，好有效率！上海排骨 紫菜腐皮 菜膽 上海麵上海排骨 紫菜腐皮 菜膽 上海麵 ＄45 （三餸麵）雖然只係四十幾蚊，但餸既份量非常多！上海排骨唔會太趕，炸得好靚！菜膽無咩特別，純碎為左食得健康而叫！至於紫菜腐皮，略嫌有點乾，一定要擺入湯一陣！而上海麵，軟硬適中，唔會太lum! 以黎個價錢，絕對超值！上海排骨 魚肉腐皮 雞球 上海麵 ＄45同樣既四十五蚊三餸麵，都係超抵食！魚肉腐皮比紫菜腐皮做得好，無錦乾，仲要有成四條禁多！雞球件件都啖啖肉！味道不俗！值得再encore~價錢超值 會再光顧小店食物既質素中上，而且份量多，坐得又舒服！另外，仲有其他上海菜式，例如擔擔麵，粗炒等！會再幫襯！

晚上7點幾，一心想去食一哥點心，點知要等幾張枱。下次再算。沿教育路行打算改去甜兒嘴食點心，中途 見到呢間舖開咗幾年都未執，以為有好嘢啦。Xo醬咸肉菜飯＋排骨排骨正常，冇乜味。菜飯有骨似生米。服務態度不錯👍，因為想要多啲XO醬竟然冇炸型。担担麵太淋冇香味炸豆腐似化石冇味，我要用2 teaspoon 豆瓣醬先食到一件豆腐。最滿意係支菊花茶⋯⋯埋單$115/2人 雖然係平。但係食咗啲唔好食嘅嘢落肚簡直係浪費我個胃。

行過見到呢間，同華都果間一樣名，就試下係唔係先餐類比本店多，當然價錢都貴左啦，點左牛腩冬菇麵同雲吞排骨麵冇試過喺本店食牛腩所以比較唔到，不過睇落份量唔少，牛腩牛筋加埋四件都大件架，又有三隻冬菇，牛腩略瘦有牛味，牛筋軟滑，可怕我叫多蔥佢冇俾我😭另外招牌雲吞排骨麵就係一貫嘅厚皮菜肉雲吞，我食到以前嘅味道呀，好感動，排骨繼續炸到又乾又瘦，唔好以為係好差，其實味道係好好架，呢個就係佢地嘅招牌！唔知華都果間仲喺唔喺度呢？雖然係同一樣野，但始終覺得本店先最真實

因為在圖書館打字打累了, 很想吃點有肉類的, 和暖的東西。走著走著, 就找到這家東西。找著找著, 就看到這家裝修有點復古的餐廳。打開餐牌, 看到排骨是必點的。但因為我肚子真有點餓, 我就點了排骨跟水餃面。東西來了的時候, 排骨還是熱的, 表皮是鬆脆, 而內裏的肉是鬆軟有豬肉香的。水餃的話, 不過不失, 個人覺得內餡可以再飽滿一點。而面煮得不錯, 是軟琳, 而不是軟爛。總括而言, 那是好吃的。

上海珍珍排骨麵這家店的裝潢還滿有特色的有一點復古的味道上海排骨紫菜腐皮卷麵店家把炸物跟麵分開放連帶蔥花也是分開放的基本要求有做好份量也夠紫菜腐皮卷外層香脆但裏頭有點難咬開上海排骨味道一般但比較油膩麵跟湯頭都是沒什麼味道的朋友的牛腩雲吞排骨麵雲吞是店家自家手工做的味道還好但雲吞皮跟肉是分離的反而整頓飯最欣賞的是店家自己煮的菊花茶不會感覺死甜是有點像媽媽煮的那種感覺我覺得好吃不等於你純屬個人意見愛分享

進店時，食客不多，非常環保，燈光微弱，冷氣不足。點了排骨麵，酸辣湯底，排骨麵送來時，見沒有酸辣湯，通知店員。當麵再送來時，只見多了幾條咸酸菜，以為送錯，但店員說：「呢碗咪酸辣囉！」唯有照吃，辣到不行，吃完後，才發現燈光亮了很多，冷氣也正常了。多謝支持環保。