霸嗎拉麵 (已搬遷) 新店位置

自問超鍾意食日本野（尤其係拉麵、飯等等），香港既拉麵店差唔多都食勻曬，今次黎到ばり馬拉麵食，店員服務態度好好，啲野食都好吸引～～我地叫左勁多野食，首先少唔得既就緊係拉麵啦～我地分別叫左原味同雞肉味（唔記得原名係咩，總之類似咁樣啦）原味拉麵入面舊叉燒肉好肥好厚，但由於個人唔太鍾意肥膩野關係，覺得麻麻地。。不過啲湯既濃度適宜，ok好食啦～之後叫左煎餃、炸雞同抹茶雪糕，個炸雞真係要讚一讚，外脆內軟，又唔會太鹹，炸到好香～超好食！！黎到一定要嗌～至於煎餃同抹茶雪糕就一般般啦，同其他拉麵店既差唔多，無乜特別。overall最想讚呢間野啲炸雞，拉麵都好足料，值得一吃！