蘭芳園

營業中

休息中

有位同事之前被調職，今日終於回歸和我們一齊工作，所以中午便決定去大家都鍾意的"蘭芳園"食午餐，由於餐廳好受遊客歡迎，經常都門口排長隊，估唔到今次去到無人排，所以侍應就好快安排左坐位，入到餐廳眼看都已全部坐滿。因為都唔係第一次食，唔駛點睇餐牌，就落單要碗豬軟骨喇沙，配奶油豬仔包，另外要杯餐廳出名的"茶走", 同事就叫左個豬扒蕃茄通粉喇沙湯唔太辣，有少少椰香，豬軟骨煮得非常淋，加上又入晒味，另外豬仔包外表睇落似好硬，但食落好鬆軟，還有塗上奶油，味道一流，而杯奶茶更加唔錯，奶和茶的比例啱啱好，十分香滑。