小茶角 (啟豐商場) (已結業)

好耐無食小茶角，雖然佢係只係牛角包，但係一啲都唔普通，上次食完之後一直都好想再食。🍴屯門牛超級豐富嘅配料：蛋、蕃茄、蘑菇、芝士、煙肉，就好似一個小小的all day breakfast。牛角包超鬆軟，但係外皮係酥脆，配上醬汁，真係好好味。同友人share，店員仲貼心的切一半給我們分享。🍴海牛海牛相對就比較素，只有吞拿魚同粟米，但係味道一啲都唔清淡，粟米好爽甜，好岩小食的人。🍴單骨雞翼肥A超欣賞呢個小食，單骨食落好方便，又唔會麻煩，食到污糟，雞翼炸得剛好，熱辣辣，炸皮脆卜卜，上面有滿滿嘅孜然粉，好惹味。🍴薯條&薯角買牛角包同飲品就會送的。薯角相對出色，薯味好重，不錯。🍴宇治抹茶拿鐵肥A最愛，值得encore，抹茶味濃，但唔會苦，奶味都好足，好好味吖。.🍴雪山朱古力雪山朱古力上面係滿滿嘅忌廉，朱古力味好濃，肥A覺得有啲苦澀，但係友人好愛。😂呢間小店好高質，無得堂食，都可以買外賣番屋企食。