泰海鮮 (已結業)

想食海鮮不一定要到西貢，其實屯門三聖都有靚海鮮賣，而且餐廳的加工費亦很合理，對於我呢啲新界人黎講地方更方便添啦。是日到了三聖買海鮮，食物同價錢就屋企人拍板，黎幫手拎㗎咋。攤檔選擇多，樣樣睇落都好正咁。龍蝦呀花竹蝦刺身放題刺身蝦就食得多啦，未食過花竹蝦，超大隻勁爽甜，隻隻都有手掌咁長，一隻蝦分成兩段都好大塊蝦肉，爽呀～仲要點埋呢個好好味嘅餐廳秘制醬汁，酸酸辣新超惹味，無得頂。豉椒聖子皇加煎米粉底豉椒汁味濃配鮮甜聖子啱哂，大大條聖子肉食得勁過引，加左個煎米粉唔好哂左啲汁，米粉煎得香脆，加埋鹹鹹辣辣嘅汁就剛剛好。白酒忌廉煮花甲呢樣又就正到無野講，花甲大大隻鮮甜嫩口，忌廉汁好有酒香，夠creamy又唔會搶走花甲的海鮮鮮味，正。薑蔥鮑魚食海鮮又點少得鮑魚，隻隻厚身爽脆彈牙，薑蔥吸哂鮑魚鮮味超正，攞黎撈飯超正呀！海鮮湯海鮮湯好足料，一大鍋海鮮煲埋一煲湯，諗都諗到有幾鮮甜，煲完湯嘅瀨尿蝦仲係好甜呀，如果喺屋企，肯定會返煲多幾次唔好哂。超濃郁超甜的海鮮精華湯，一定要襯熱飲，凍左有少少腥味。勁好味停唔到口，仲叫左幾個白飯撈汁，飽到上心口呀