香港佐敦長樂街14-20號18廣場地舖及1樓
佐敦深宵美食享有7折優惠！仲有成逾60款小菜任君選擇，神燈海鮮酒家擁有超過五十年粵菜深厚的文化積澱! 主力推廣「傳統粵菜．新派演繹」，重現失傳的傳統技藝，注入創新元素。係極具性價比！平民價格品嚐高質傳統創新手工粵菜。
呢到早茶市供應創意傳統點心 晚市主打新派傳統粵菜。佐敦總店裝飾古雅韻致，環境寬敞舒適，適合家庭聚會、朋友聚餐及商務宴客。
黑松露玻璃燒鵝（1/4隻）
燒鵝皮脆得嚟又帶少少油香，加埋黑松露嘅香氣，成件即刻升級。鵝肉嫩滑唔鞋口，啖啖都好juicy，食落有層次感，真係高級版燒鵝。
懷舊蝦多士（6件）
外層炸到金黃香脆，入面蝦膠厚實彈牙，咬落去好有滿足感。懷舊味道帶返童年茶樓feel，油香同蝦味融合得啱啱好，越食越上癮。
必食水蟹粥
粥底煲到好綿滑，蟹膏同蟹肉融晒入去，鮮甜到爆。每一啖都食到海鮮嘅精華，暖笠笠好治癒，真係必食之選，夜晚食仲正。
點止炸豆腐咁簡單
豆腐外脆內嫩，咬落去有驚喜，唔係普通炸豆腐咁單調。調味同配料令成道菜更有層次，食落香口又唔膩，係小菜入面嘅亮點。
姬松茸滑雞煲
雞肉滑溜入味，姬松茸嘅香氣滲晒入去，煲起嚟熱辣辣好惹味。湯汁濃郁，送飯一流，食到停唔到口，冬天食更加暖心。
-Asahi
呢個真係超抵， $20一大支，冰凍啤酒入口清爽，配埋熱辣辣嘅小菜，真係絕配。價錢親民，宵夜飲一杯最啱，解渴又解膩，成晚氣氛即刻升級。
回頭:Yesyesyes!!! 必食水蟹粥，重點一定要叫我黑松露燒鵝，我食第一啖嘅時候真係哇咗一聲，真係勁岀色！
1
1
