幸福班戟 (已結業)

上個月1月4號，去咗食呢間幸福班戟。因為之前食過又一城某pancake店，而今次呢間聽講係由日本人主理既pancake，所以嚟試下呢間過江龍。今次點咗4個pancake:奶茶班戟、朱古力香蕉班戟、幸福班戟、三文魚牛油果芝士慕絲班戟。奶茶班戟比想像中好食，因為佢個pancake本身係無奶茶味，奶茶味來自上面既奶茶醬，所以想食淡味小小時可以點小小奶茶醬就得；朱古力香蕉班戟就正正常常，咁就唔太多講啦；會點幸福班戟既原因係因為想試下原味，從而同其他pancake店做下比較，食原味可以食得出幸福班戟比起又一城某店實淨d同埋口應「飽」d；會點三文魚牛油果芝士慕絲班戟既原因係諗住試下甜品配鹹食會點，不過小弟就唔太識欣賞😂😂下次都係食返全部甜點算。要重點講講個環境，露店出面個view真心正，食境打卡都抵呀！