Mango Tree Café (已結業)

今日同朋友去食mango tree, 港人去泰國玩通常都要食返餐mango tree, 宜家唔洗心掛掛啦，香港都開左啦！一行五人點了五個lunch set, 泰式焗豬飯，波蘿炒飯，大蝦炒粉絲，雞肉炒河同青咖哩海鮮。炒粉絲好味，炒得好地道，好好味，其他的老實講，名氣大於預期。唔係話唔好食，都唔係唔出色，只係唔會令你留下印象個種。反而跟餐的香茅茶好正喎，五個儍人都點了香茅茶，大家一致飲完就覺得自己剛做完個3小時嘅spa， 應係係歎緊水果嘅時間咁。致於服務就唔算好，一位女侍應幫手下單，其實都幾無禮貌，感覺好似求佢俾野食我地咁。老實說，對我來說如果基本的服務做唔到，再好吃的餐廳我都唔會再回頭幫襯。總括黎講，泰國係做得比香港好，完。