WM咖啡廳

環境一流，好似去咗沖繩咁樣，超級無敵有度假feel。食物一般好睇唔好食，但又未去到難食。附圖嘅食物係午餐。但要提下個早餐嘅女侍應，我地食到一肚氣。本來我哋兩個女仔喺門口已經登記咗，有人帶我哋去張枱度，我哋見自己冇嘢要擺低冇需要坐低互等，各自修行出咗去攞嘢食。點知拎完嘢食返嚟就有啲奇怪物件喺度，仲有個口罩添。我搦住啲嘢食正打算坐埋去嗰陣，有個侍應沖出嚟話呢度有人唔可以坐，我同佢解釋係有人安排咗呢個位俾我㗎，然後有人又坐咗埋去，咁正常安排我坐第度我ok呀。當時想正常解釋我要等朋友返嚟再一齊坐過去新安排嘅枱，我都未講完就已經比個侍應兜口兜面話我冇登記就衝入嚟拎嘢食。勁多人係則邊望住投奇怪目光，我唔係賊啵！朋友之後出現係同一張枱，証明係個侍應自己搞錯咗，將我哋嘅枱再比另一個客人，要我哋坐另一張唔緊要好小事，但自己做錯仲要大庭廣眾屈個客冇登記，之後已經無心情食野。然後個早餐已經無心情食，更何況影相。