梨滿園韓國料理 (已結業)

今晚同朋友行過旺角，想食下啲煎炸野，朋友提議去呢間到食，佢話呢間個師傅黎自李家炸雞。所以話一齊去試下。咁上到見個價錢唔算貴，又有90分鐘任食，所以入去喇。一坐低無耐，好快就上一碟炸雞同一啲小食，，但碟炸雞有齊5種味道，店員話想一開始等我地試齊5種味，邊隻好味就再落order。5隻味：醬油，薑蔥，蜜糖，甜酸，芝士以上排名，跟我自己喜好排咗，唔係話芝士唔好食，其實啲雞炸得好好食嘅，只係個芝士、甜酸醬嘅味道俾我嘅驚喜度無咁高啫。所以個秘製醬油真係幾意外驚喜。第二轉再叫多轉醬油同薑蔥。因為本身唔太鍾意飲酒所以叫啲柚子特飲，一啖熱辣辣炸雞，一啖冰凍清甜嘅柚子蜜，都幾爽。我地兩個人食咗21件雞，都係合共兩舊幾水落樓，味道有五隻，點都會一兩種啱你口味，所以總括黎講幾抵食。雖然個日去都多多地人，但店員都維持到好服務，值得一讚。