影片
更多
2022-09-11
405 瀏覽
今日早左少少去食晏，黎到卒之唔駛等位了，正！先講食物，因為熱氣唔敢食炸野（但佢啲炸野賣相好吸引），今次食勝利雙腸滷肉飯。平時對腸一般，見多兩條腸都係多幾蚊，於是會一會佢，又唔錯喎，滷肉都好味，上次覺得啲配菜好食，今日都好，係粉絲略略咸左啲。要左杯唔駛加錢嘅綠茶，正正常常喇。上一次黎，店舖新開冇耐，上餐流程少少甩漏，可理解。今日入座順利，招呼入座位哥哥普通正常態度。飲品先到，有個胖哥仔離枱兩吋高“揼”杯凍綠茶落張枱，感覺服務態度麻麻。跟住滷肉飯到，但盤上只有一隻筷子，於是我揚手示意爭一隻筷子，咁啱又搵返同一個胖哥仔，佢遞隻筷子過黎而我未趕得切接佢已經放手，差啲跌埋落地。唔係要求一間七十零蚊餐嘅食店要有五星級酒店服務，但有啲基本禮貌態度無論咩行業咩檔次都應該要有。只論食物，係幾好食嘅。希望下次去唔會再遇到呢種服務喇！
先講食物，因為熱氣唔敢食炸野（但佢啲炸野賣相好吸引），今次食勝利雙腸滷肉飯。平時對腸一般，見多兩條腸都係多幾蚊，於是會一會佢，又唔錯喎，滷肉都好味，上次覺得啲配菜好食，今日都好，係粉絲略略咸左啲。要左杯唔駛加錢嘅綠茶，正正常常喇。
上一次黎，店舖新開冇耐，上餐流程少少甩漏，可理解。今日入座順利，招呼入座位哥哥普通正常態度。飲品先到，有個胖哥仔離枱兩吋高“揼”杯凍綠茶落張枱，感覺服務態度麻麻。跟住滷肉飯到，但盤上只有一隻筷子，於是我揚手示意爭一隻筷子，咁啱又搵返同一個胖哥仔，佢遞隻筷子過黎而我未趕得切接佢已經放手，差啲跌埋落地。唔係要求一間七十零蚊餐嘅食店要有五星級酒店服務，但有啲基本禮貌態度無論咩行業咩檔次都應該要有。
只論食物，係幾好食嘅。希望下次去唔會再遇到呢種服務喇！
41 瀏覽
0 讚好
0 留言
張貼
