影片
更多
2021-11-23
212 瀏覽
有時候慶祝係唔需要理由，唔一定係節日、紀念日、生日先慶祝嘅～😉 偶爾去吓一啲有情調嘅餐廳拍吓拖，俾驚喜另一半，都係一種適當嘅調劑，感情更加升温☺️ 今次我哋睇中咗呢間餐廳，睇相見佢環境氣氛都相當唔錯😎甫進餐廳就見到左手邊有一排落地玻璃，映入眼簾嘅係旺角鬧市夜景🤩 室內環境好靚，天花板吊住啲燈串，驟眼睇好似星空咁，燈光柔和氣氛浪漫💕餐廳有set dinner，亦可以散叫。我哋就叫咗一個set ($408)，再散叫一碟油封鴨💁🏻♀️❤️ Amuse-bouche + Appetizer +Soup +餐包Amuse-bouche用透明杯仔裝住三文魚慕絲，mousse細滑細緻，每一啖都好濃味🐟 Appetizer係木瓜蝦肉沙律(走蝦版)，沙律菜新鮮，入面仲有麵包粒同Semi-dried tomato，灑上芝士後鹹香突出。是日餐湯係南瓜湯，質感唔算太過濃稠，食到少少南瓜蓉，同時食到有陣陣蕃茄味🍅 餐包微暖軟熟，有附上牛油🧈❤️ 香煎鴨肝伴鴨肝油炒意粉 $408呢道菜太邪惡喇！有兩嚿大大塊鴨肝喺面頭，鴨肝好厚好肥美。意粉質感彈牙，落咗鴨肝油去炒，油香撲鼻，仲落咗雜菌一齊炒，蒜味亦相當濃！❤️ 法式油封鴨
甫進餐廳就見到左手邊有一排落地玻璃，映入眼簾嘅係旺角鬧市夜景🤩 室內環境好靚，天花板吊住啲燈串，驟眼睇好似星空咁，燈光柔和氣氛浪漫💕
餐廳有set dinner，亦可以散叫。我哋就叫咗一個set ($408)，再散叫一碟油封鴨💁🏻♀️❤️ Amuse-bouche + Appetizer +Soup +餐包
Amuse-bouche用透明杯仔裝住三文魚慕絲，mousse細滑細緻，每一啖都好濃味🐟
Appetizer係木瓜蝦肉沙律(走蝦版)，沙律菜新鮮，入面仲有麵包粒同Semi-dried tomato，灑上芝士後鹹香突出。
是日餐湯係南瓜湯，質感唔算太過濃稠，食到少少南瓜蓉，同時食到有陣陣蕃茄味🍅 餐包微暖軟熟，有附上牛油🧈
❤️ 香煎鴨肝伴鴨肝油炒意粉 $408
呢道菜太邪惡喇！有兩嚿大大塊鴨肝喺面頭，鴨肝好厚好肥美。意粉質感彈牙，落咗鴨肝油去炒，油香撲鼻，仲落咗雜菌一齊炒，蒜味亦相當濃！❤️ 法式油封鴨伴紅酒橙汁 $258
一碟有一個油封鴨髀同一件鴨胸，用咗兩種唔同嘅烹調手法去製作😁 油封鴨髀表面微脆，鴨髀事先經過慢煮，所以肉質好柔軟，好輕易就能切開。鴨胸相對有嚼勁而且好厚肉，鴨味比鴨髀濃得多😏 伴紅酒橙汁酸甜有致，減輕油膩感！❤️ 紅莓芝士蛋糕撻
面頭有層紅莓醬，酸酸地唔會太甜，芝士蛋糕幼滑，薄薄一層食完都唔覺得太漏👌🏻❤️ Very Berry $78 & Tropical Teas $78
飲品叫咗兩杯Mocktail！兩杯都超高超大杯😮 每杯入面係勁多果肉🍓 Tropical Teas嗰杯味道似有氣橙汁/水果茶梳打，清新得嚟唔會過甜，相當醒神，平衡油膩感！。Very Berry 甜度比Tropical Teas高，由菠蘿梳打、檸檬汁、蘋果汁及雜莓混合而成，有粒粒果肉口感，味道酸甜莓果味突出🫐 幾啱女士飲！餐廳推薦度：⭐️⭐️⭐️⭐️ (4/5)
環境同氣氛都好啱帶伴侶嚟約會或者同一大班朋友聚會😂 我覺得都幾適合帶初次約會嘅對象共進浪漫晚餐！
補返其他menu先👇🏻
張貼
