吉吉屋 (已搬遷) 新店位置

今日返去深水埗食串燒，由舊舖幫襯到新舖吉吉屋大大話都十幾次，今日仲有d驚喜。新舖地方大左又有室內位，不過得8個位，嘢食多左沙律同一d日式前菜。叫左吉吉雞肉沙律，份量夠哂我地兩人食，雞肉同個沙律汁好正，前菜試左甜蝦一份有10隻超抵味道ok，推介關東煮蘿蔔(大根)好入味$8一d都唔貴，$25一個細咖哩豬扒飯份量夠仲保持水準，老細建議食細咖哩飯又可以食d串燒，唔夠食就叫普通份量，而家通貨膨脹仲要人仔日圓不斷升，老細話廿幾蚊食個飯仲要有野飲賺到租都出唔到人工啦，茶記飯盒都要三十蚊一個，淨係希望d客食米知米貴。串燒推介spf豬腩肉，雞肉。