影片
今日同同事farewell，記得之前食過一間幾好食的。決定再去開大餐。原來已經搬了去另一間大d的鋪，坐得舒適0左，在天寒地凍的日子，坐街邊就真係會冷親呀~鋪大了，食物款式就多了。沙律仍然keep住水準。炸物，雞翼(個人推介)不可少~重有新出的雞蛋卷，濃郁蛋味再加上鬆軟的質感，好味~老闆推介食燒元貝，甜到呢~朋友話太凍，食d0野暖食，所以叫了關東煮~訂位時已經要落定order食秘製蟹粥。即場係無得食呀!個粥底夠綿，隻蟹重好甜多膏。由於人多，所以叫了兩煲，食到個個讚好。老闆重推介我們飲"菠蘿酒"，一飲就不得了，九秒九俾人清晒要再叫。其實我們重食了豬腩(推介)，羊肉，炸翼尖，雞軟骨，牛柳，豆卜，清酒煮蜆(推介)，燒飯團，雞翼(推介)，炸蘑菇 (推介)等等，點知班人仔太餓，掛住食，未影相已經食完。總之今日見大家食得咁開心就好了~
繼續閱讀
舊店搬至新店都沒有光顧過,今天約好三五知己,立即直沖吉吉!先打電話問正確位置,原來就在舊舖前轉入鴨寮街26號即見.....正,到達後,吉吉已由得三張檯的小店變為差不多可坐下40人的中型餐廳,(之前因經常客滿而要坐街邊,冬天還可....夏天包你熱到由裏面濕到外面)現在冷氣充足,地方舒適,讚 !!!!好了,即叫招牌沙律開開胃先!!!無失水準,依舊用新鮮的蔬菜加炸得剛好的雞肉和煙肉再加上像自制的沙律汁,yummy,yummy 之後見到是日推介牌上有特式果實酒和海鮮什錦火鍋推介.即叫老闆order!!!!老闆太好人了,由於我們三心兩意,不知選擇那一款,他一次過比左全部我們試 !!!最終我們選了沖繩菠籮酒,充滿香甜的菠籮味,而酒精度又不太高....正!!!到海鮮什錦火鍋出場!!!不得不讚美一下火鍋的湯底,好像混合了各種食材的鮮味,絕不像超市買到的合成香料包,我們立即問老闆湯底是怎造出來的?他笑而不語....只說(新鮮就是好的火鍋)..........好野 黎到串燒店又怎可不叫串燒呢!!太快了,我們邊飲酒邊食串燒,已經忘記影相了,只影了雞翼,皮脆肉嫩 意猶未盡.....我們好像生積一樣,即問老闆還有甚麼最好最特別推介....老闆即推介燒蟹,他說每日限量供應,如不新鮮是不會返貨的......太幸運了!!!!鮮甜美味,燒得剛好,外面加上調味一起,未上檯已飄來陣陣蟹香,讚 食完蟹後,我們已飽到無辦法再叫任何食物了,之後老闆還拿出清酒來請我們飲酒和談天,在一片飲飽食醉的環境下離開!!!
繼續閱讀
去完南丫島玩, 大家攰攰地唔太肚餓, 其中一位朋友就話不如食串燒, 就帶左我地去呢間食。呢間係新店, 聽朋友講之前呢間喺大街同細間啲, 呢間一入去有四張大size 的四人枱同一啲望open kitchen 的長枱.首先, 我地order 左個稻庭烏冬, 連烏冬湯上, 好冰涼同爽口, 配埋我朋友極力推介0既關東煮白蘿蔔簡直一絕, 個白蘿蔔好入味, 一啲絲都無, 同清甜.炸薯餅好香薯味, 好明顯係自製的, 食到少少薯粒同打碎的薯粉, 炸得剛剛好, 外面脆卜卜, 衰面軟棉棉, 而外面唔會炸到硬轟轟咁炸燒賣朋友話叫時, 我心諗唔係呀化, 響串燒店叫炸燒賣, 但係嚟到後, 我收返頭先所講的, 而且我得最多粒嗰個, 首先佢粒野唔粉, 唔會有啲遇熱後發脹, 凍左縮返細, 呢個嚟到凍左一樣樣, 都一樣咁好食, 有少少魚味, 加上佢在燒賣上面放左啲似椒鹽0既調味料加上脆卜卜好惹味德國黑啤呢隻黑啤好易入口, 一啲都唔苦, 醇口, 滑身, 會唔覺唔覺飲多左, 本來叫左生啤的朋友, 試完我杯後, 第二杯即轉呢枝, 極力推介, 配串燒一流燒秋葵濕身, 燒完唔似燒過, 放一陣已經出水, 但這是它的特質, 店方在燒過的秋葵上放上微微的七味粉, 令這菜色不會咁單調燒羊肉羊肉串沒有羶味, 軟身, 很易入口肥牛包金菇同肥牛包大蒜我比較喜歡包大蒜, 一來包金菇比較普通, 二來肥牛包大蒜, 唔單只外面的牛用燒汁燒, 包著剛剛好熟的大蒜好爽口, 有兩種層次感仲有叫左燒豬頸肉, 雞皮同豬片呢3樣, 都係我唔食0既, 未能用我感受去報導, 但可以說的是店舖係用左無用打激素的豬做食材, 令客人食得放心, 這點真值得嘉許, 燒雞皮, 我兩位朋友食到舔手指, 因為雞油加上香料好惹味之餘, 個脆脆的雞皮嗰種脆係其他炸/燒物代替唔到的, 我將我的嗰一塊讓比其中一個朋友, 佢簡直開心到彈起左本來諗住留肚去食 “甜入”, 但去完洗手間出嚟, 見到人地枱上的沙律好似好吸引, 忍唔住叫埋燒雞扒玉子沙律嘩!好新鮮好吸引呀!仲有好少用生蛋撈沙律, 店主一定要對啲蛋好有信心先至可以咁!雞扒鮮嫰, 唔會燒郅朝到鞋, 蕃茄少少甜多汁與菜一樣好新鮮! 最重要的當然響最後講啦! 就係粟米粒! 啲粟米係原粒的, 不是用罐頭, 用刀切, 每粒都有頭的, 好飽滿好甜,食完後, 我覺得朋友仔無介紹, 鐘意佢唔係一味得串燒, 用料新鮮同調味剛好, 這是日後可重臨的小店
繼續閱讀
同朋友搵個中間點食飯, 喺Openrice搵太子野食, 見呢間搬左泥冇耐, comment唔錯book位走黎試吓.我好少可咁Book位後準時到達hehe!見倒menu都幾多野選擇, 綜合左睇完comment同喜好後, 第一Round選擇左以下食物(見下圖):左下角會見倒燒扇貝($18隻), 好多牛油汁, 一口過連汁食好好味!右上角係冷鳥冬($22), 可能唔係佢招牌, 淡淡哋, 味道一般.右上角有四款燒物: 牛肉粒($12), 雞翼($12), 煙肉露荀($15), 日式漢堡扒($12)牛肉粒超口味, 有少少肥肉的會更好味, 因為有香濃牛油味.雞翼分了骨的, 這是我平時的食法.煙肉露荀的露荀可以林D.日式漢堡扒咬落好鬆軟, 味道似獅子頭, 哈哈, 真搞笑.第二Round叫了原味薯餅(叫男爵)($13), 吉吉雞肉沙律($38), 炸燒賣($20一打)吉吉雞肉沙律, 有吉吉雞肉, 煙過的煙肉, 蕃茄, 生菜同粟米, 個汁味道適中至略濃, 好味.炸燒賣, 唔好一黎就一口食呀, 熱死你! 幾香口, 但一碟成一打, 太多了, 叫多D朋友黎一齊食啦!最後一Round因為我好似仲未夠飽, 所以叫了洋蔥肥牛飯(普通份量)($29), 咖哩+滑蛋汁, 份量好多=___=希望下次有奶油味啦, 我好想試, 不過佢今日冇哂.我食剩三份一飯, 經過老闆鼓勵後, 勉強食埋, 超飽!!!埋單後, 老闆請我地試食燒蝦, 好大隻, 鹽燒, 幾好味, 我朋友唔食蝦頭, 太好了, 我可以食兩個, 代價係幫佢脫殼, 因為佢唔識脫的......每樣價錢都唔貴, 只係我地兩個人叫左好多, 夾埋變左二百幾哈哈原來食蟹粥的話要BOOK位預訂, 因為要即日去街市買, 下次去一定會試.
繼續閱讀
剛剛去完日本旅遊回來香港，當然要送手信給兄弟，順其自然梗係食埋飯啦！因為在日本沒有機會吃串燒，就上來找找看有什麼日式串燒好介紹，看見這間吉吉屋的評價不錯，就決定呢間！去到地址所指的地方，找來找去都找不到，忍不住打電話一問，原來喺對面街球場隔離，店老闆話OPENRICE的地圖有問題，搞左好耐都搞唔掂，無計，咁我都試下更正一下地圖，希望可以幫到其他食客啦！呢間店坐位雖然很少（加埋最多１０人），枱也只有三張，別想要像坐梳化椅般坐得很舒服，但氣氛跟日本小型居酒很接近，富有風味，小型電視持續播放日本錄影節目，對於喜歡食串燒的人，（及）或喜歡這種小鋪風味的食客而言，完全可以接受與諒解！入正題！講食物！先來頭盤，山葵八爪魚(見蟹粥旁的一個玻璃碗就是)，再加串燒蝦（頭盤？），味道ｏｋ(太肚餓,吃完蝦才記得影相,得返下面張相個蝦頭可以影)再來烤雞泡魚干，很美味，實在係佐酒小菜的美品仲有鹽燒雞翼，串燒牛舌，兩款都唔會燒得太乾，最重要係唔會好似其他日式放題的串燒咁，一把鹽咸到爆，而是薄鹽，少少咸，咸得恰到好處，雖然我仲未食遍大江南北，吃過的串燒店也不過十數間，唔敢講佢係最好，但呢間係可以令我滿意的串燒店！串燒牛柳粒，六至七分熟，多汁美味這間店最出名的係串燒豬腩肉和串燒雞皮，兩款都十分好味，雞皮九成的油份都被燒去，脆脆的十分美味，完全不油，而豬腩肉雖然保留了油脂，但咬落去的口感實在是相當實在，油與肉配合得很理想，好味道，不過怕肥的人可能會不敢試呢！但美食當前，還請自行決定吧見網上有食客推介蟹粥，當然也想試一試，就吃了，較想像中大煲，一個人應該吃不完呢！我覺得味道不錯，不過兄弟就覺得隻蟹不夠新鮮！之後我們還重新點了其他串燒，重覆點也有啦！最喜歡這個鮮燒扇貝，真是不可不吃，新鮮味美又多汁（蒜溶汁），真係回味無窮哦最後兩人埋單三百幾，已經食到兩個大男人唔想行，真係比去什麼日式放題食要更好味，更開心，更滿足，老闆仲同我地傾計，介紹我們去日本溫泉之旅的地點等等，這些小情節亦只有這種小鋪經營才會出現，客人食得開心老闆同店小二也做得快樂呢絕對會再去哦同場加映：原來這裡的火煱是這樣子的，看來比起”Ｘ野家”的火煱要好！
繼續閱讀