影片
更多
2021-04-11
2272 瀏覽
古語有云：萬般皆下品，唯有美食好😛 有時喺生活上受盡各種挫折，飽受煩惱之後，能安慰自己的真的就剩下美食。.今個星期嚟咗呢一間我好鍾意嘅coffee shop，滿佈花花草草嘅餐廳，雖然冇雀仔，但卻有種鳥語花香嘅感覺。寫上卡路里嘅餐牌，感覺令人踏實，知道自己攝取咗幾多，非常方便減肥人士，睇完之後可以更好地安排緊接落嚟一天內可以攝取嘅卡路里量。慢煮雞胸肉拌薑黃椰菜花配柚子醋 $76用緊生酮減肥法嘅朋友仔對呢個只有蔬菜同蛋白質嘅配搭絕對會感到滿意。薑黃落去有啲似咖喱，養生得黎味道亦都好食，最鍾意就係呢種，令人減肥都減得唔痛苦嘅食物。而慢煮嘅雞胸肉嘅肉質就細嫩多汁，加埋少少柚子醋食，清新又開胃。輕煎帶子黑松露菠菜牛肝菌意粉 $78刺身級嘅帶子肥嫩厚肉，切落去仲有少少粉色，熟度控制恰到好處，黑松露菠菜牛肝汁亦係濃而不膩，份量剛好掛上意粉，又唔會太多，係每次黎都必叫嘅選擇。紅肉火龍果乳酪碗 $74桃紅嘅顏色令人少女心瞬間爆棚，igable之餘，亦都非常健康，裏面有亞麻籽、香蕉、藍莓、番薯片等等，味道天然，甜度適中，顏色豐富有營養，😁係平時d ig女神會食開嘅食物。飲品：飲品方面我叫咗一杯熱Mocha
有時喺生活上受盡各種挫折，飽受煩惱之後，能安慰自己的真的就剩下美食。
.
今個星期嚟咗呢一間我好鍾意嘅coffee shop，滿佈花花草草嘅餐廳，雖然冇雀仔，但卻有種鳥語花香嘅感覺。寫上卡路里嘅餐牌，感覺令人踏實，知道自己攝取咗幾多，非常方便減肥人士，睇完之後可以更好地安排緊接落嚟一天內可以攝取嘅卡路里量。
慢煮雞胸肉拌薑黃椰菜花配柚子醋 $76
用緊生酮減肥法嘅朋友仔對呢個只有蔬菜同蛋白質嘅配搭絕對會感到滿意。薑黃落去有啲似咖喱，養生得黎味道亦都好食，最鍾意就係呢種，令人減肥都減得唔痛苦嘅食物。而慢煮嘅雞胸肉嘅肉質就細嫩多汁，加埋少少柚子醋食，清新又開胃。
輕煎帶子黑松露菠菜牛肝菌意粉 $78
刺身級嘅帶子肥嫩厚肉，切落去仲有少少粉色，熟度控制恰到好處，黑松露菠菜牛肝汁亦係濃而不膩，份量剛好掛上意粉，又唔會太多，係每次黎都必叫嘅選擇。
紅肉火龍果乳酪碗 $74
桃紅嘅顏色令人少女心瞬間爆棚，igable之餘，亦都非常健康，裏面有亞麻籽、香蕉、藍莓、番薯片等等，味道天然，甜度適中，顏色豐富有營養，😁係平時d ig女神會食開嘅食物。
飲品：飲品方面我叫咗一杯熱Mocha同Latte macchiato，兩杯顏值都好高，前者比較重果仁香，後者就比較fruity，會偏酸d，如果叫我二揀一，個人就更鍾意香甜nutty嘅mocha。
張貼
