影片
更多
2022-08-29
105 瀏覽
估唔到喺屋企附近開咗間咁高質嘅日本餐廳！！呢度個魚生飯係可以自己㨂餸！我哋㨂咗海膽、三文魚、三文魚籽、象拔蚌同三文魚腩配沙律菜，呢度嘅食材新鮮到不得了！！海膽激鮮甜，完全冇一點苦味或海水鹹味！三文魚大大件，魚肉彈牙。三文魚籽零腥味，就咁不入口食都唔會覺得咸，反而係食到魚油嗰種甘香！象拔蚌雖然冇咁濃味，但勝在夠晒爽！三文魚腩油脂比例啱啱好，唔會太油膩，但又比頭先嘅普通三文魚更具油香！老公話絕對係近期食過最好食嘅刺身！跟住我哋仲叫咗個蟹膏蟹肉甲羅燒，哇啲蟹膏多到～上面仲要鋪滿蟹籽架！值得一讚嘅係，廚師將多士整到稍微脆口，咁食落去就唔會太乾亦唔會𠝹到個上顎。將啲蟹膏蟹肉塗滿塊多士，成塊放入口嗰陣啲蟹味湧晒出嚟！濃郁到不得了！之後啲蟹籽又喺舌齒間爆開，真係超勁爆好食！不過如果多士可多幾塊就好啦（貪心）老闆推介燒蠔，見到價錢都okay之餘，又真係幾多人點，所以我哋都跟風叫咗。個蠔上面鋪滿蒜蓉，燒完之後個蠔仲係漲卜卜勁多汁，連埋啲蒜蓉一啖咬落去真係勁正！今餐每一道菜式都俾滿分！！
估唔到喺屋企附近開咗間咁高質嘅日本餐廳！！
呢度個魚生飯係可以自己㨂餸！
我哋㨂咗海膽、三文魚、三文魚籽、象拔蚌同三文魚腩配沙律菜，
呢度嘅食材新鮮到不得了！！
海膽激鮮甜，
完全冇一點苦味或海水鹹味！
三文魚大大件，魚肉彈牙。
三文魚籽零腥味，
就咁不入口食都唔會覺得咸，
反而係食到魚油嗰種甘香！
象拔蚌雖然冇咁濃味，
但勝在夠晒爽！
三文魚腩油脂比例啱啱好，
唔會太油膩，
但又比頭先嘅普通三文魚更具油香！
老公話絕對係近期食過最好食嘅刺身！
跟住我哋仲叫咗個蟹膏蟹肉甲羅燒，
哇啲蟹膏多到～
上面仲要鋪滿蟹籽架！
值得一讚嘅係，
廚師將多士整到稍微脆口，
咁食落去就唔會太乾亦唔會𠝹到個上顎。
將啲蟹膏蟹肉塗滿塊多士，
成塊放入口嗰陣啲蟹味湧晒出嚟！
濃郁到不得了！
之後啲蟹籽又喺舌齒間爆開，
真係超勁爆好食！
不過如果多士可多幾塊就好啦（貪心）
老闆推介燒蠔，
見到價錢都okay之餘，
又真係幾多人點，
所以我哋都跟風叫咗。
個蠔上面鋪滿蒜蓉，
燒完之後個蠔仲係漲卜卜勁多汁，
連埋啲蒜蓉一啖咬落去真係勁正！
今餐每一道菜式都俾滿分！！
張貼
