圓山台灣料理 (已結業)

呢排想食台灣菜，行下尖沙咀見到有，唸咗唸決定入去試下。去到見到好似茶樓既格局，啲staff問我哋飲咩茶，最後揀咗普里茶。打開menu 就見到好多台灣菜，坐底都有涼拌青瓜附送。有張寫住自選四道風味菜 $388見到都幾抵食,仲有好多選擇。就係咁多選擇中揀4樣黎食下。揀咗 三杯雞、五味鮮魚、干煸四季豆、海瓜子。三杯雞熱辣辣上，係凍凍地既天氣都好合適。菜肴中有甜味，糖和香油味道平衡醬油的鹹味，雖然有老姜烹調，但辣味唔重。五味鮮魚五味鮮魚既味道似松子魚，酸酸甜甜，單叫都差唔多200蚊，呢碟菜係值回票價。碟魚切開一片片，都好方便食用，但係要留意都有骨。干煸四季豆四季豆味道爽辣開胃，加埋啲炸菜肉碎，令人想叫一碗飯黎餸。海瓜子一直都唔知咩叫海瓜子，原來係蛤。食台灣餸最鍾意就係九層塔既香味，呢個炒海瓜子，入味，香料足。泡椒鴨腎另外叫咗呢一碟菜，想開下胃。以為會好辣好辣，比想像中係冇咁辣既，但有泡椒既味道，可以食好多舊。