影片
更多
2023-07-07
26 瀏覽
上一次食omakase係喺半島，雖然每樣嘢都大大份、靚、好食，但感覺總係有點太Standard。Omakase就應該係享受無法控制帶來嘅驚喜，應該要被驚艷、被inspired。寿久乃嘅師傅嘅手勢當然賞心悅目，近距離睇師傅切蔥、刨拖羅蓉都覺得好好睇，但最佩服係師傅嘅專業，要介紹哂個set嘅食物嘅產地、盛產月份、烹調方法都已經好impressive，同師傅傾偈時講起魚嘅品種、習性，以至日本各地文化歷史、旅遊逸事都覺得獲益良多，師傅係一個非常風趣友善嘅人，一邊好熟練又從容地烹調，一邊同我地分享咗好多佢入行以唻嘅趣事。餐飯感覺好似置身喺一個好資訊豐富嘅飲食節目之中。從來睇飲食節目最大嘅遺憾就係唔可以直接食，而今次係可以嘅!上：宮崎縣澤蟹、沖繩縣水雲、千葉縣嘅蜆，以淮山、牛蒡、鰻魚卷成嘅八幡卷。左下：用鱧煮成嘅吸物。鱧有好多細骨、切斷成可以食嘅狀態，用莓輕輕點綴，配以晶瑩通透蓴菜。右下：唻自四國愛媛縣嘅鱸魚刺身，可以配醋橘、紫蘇花或者酸汁。白蝦三食：富山縣嘅白蝦。只有三月至七月嘅白蝦夠甜可以做刺身。左：刺身。首先急凍，然後師傅將活蝦剝殼，每一條蝦肉都係一隻完整嘅蝦，半透明嘅蝦新鮮到好似仲可以跳舞
Omakase就應該係享受無法控制帶來嘅驚喜，應該要被驚艷、被inspired。
寿久乃嘅師傅嘅手勢當然賞心悅目，近距離睇師傅切蔥、刨拖羅蓉都覺得好好睇，但最佩服係師傅嘅專業，要介紹哂個set嘅食物嘅產地、盛產月份、烹調方法都已經好impressive，同師傅傾偈時講起魚嘅品種、習性，以至日本各地文化歷史、旅遊逸事都覺得獲益良多，師傅係一個非常風趣友善嘅人，一邊好熟練又從容地烹調，一邊同我地分享咗好多佢入行以唻嘅趣事。餐飯感覺好似置身喺一個好資訊豐富嘅飲食節目之中。
從來睇飲食節目最大嘅遺憾就係唔可以直接食，而今次係可以嘅!
上：宮崎縣澤蟹、沖繩縣水雲、千葉縣嘅蜆，以淮山、牛蒡、鰻魚卷成嘅八幡卷。
左下：用鱧煮成嘅吸物。鱧有好多細骨、切斷成可以食嘅狀態，用莓輕輕點綴，配以晶瑩通透蓴菜。
右下：唻自四國愛媛縣嘅鱸魚刺身，可以配醋橘、紫蘇花或者酸汁。
白蝦三食：
富山縣嘅白蝦。只有三月至七月嘅白蝦夠甜
可以做刺身。
左：刺身。首先急凍，然後師傅將活蝦剝殼，每一條蝦肉都係一隻完整嘅蝦，半透明嘅蝦新鮮到好似仲可以跳舞咁，躍り躍り，就係形容蝦嘅新鮮，上碟時白蝦有種入口融化、細綿黏口又彈牙嘅質感。
右上：炸白蝦。就係剛才嘅白蝦，可以連頭連殼食，炸過嘅白蝦蝦殼金黃色，比刺身多一分香。白蝦係富山縣居民常吃嘅食物，對心血管系統同骨骼都非常好。
右下：富山縣傳統料理，白海老真丈。亦即係蝦丸，但比起我地平時食嘅蝦丸鬆軟好多，蝦味亦比較濃。最surprised嘅係真丈嘅外皮，做得好薄。
唻自熱海嘅金目鯛，非常新鮮，淥一淥個魚皮已經可以上。
水八爪魚。師傅分別將腳切成圓片，並切出吸盤，可以醮少少芥末醬油漬食。
宮城縣赤貝。望住師傅兩下散手，撻一撻，𠝹一𠝹花，隻赤貝變到成朵牡丹咁，賞心悅目。
岩手縣嘅紫海膽。試咗兩隻，師傅話每隻不同味，視乎生長地點，海草附近就清甜，石頭附近就重礦物味。果然冇錯，我嗰隻就礦物味，另一隻就creamy啲。師傅仲教我地睇海膽內殼去分辨海膽新唔新鮮。
九州鹿兒島嘅目光魚。炸得好薄好脆，可以連頭連殼食。發覺餐廳好擅長將炸物整得薄脆多汁、表面乾身唔油膩，即使炸物都有種輕盈感覺。
左上、右下：神奈川嘅飛魚，魚中間師傅放咗少量薑蔥。
右上：櫻島嘅間八
左中、左下：長崎嘅伊佐木
右中：關鯖，係鯖魚中唯一可以生食嘅品種
三重縣嘅吞拿魚上：中拖羅
中：大拖羅，師傅用鹽中和咗油膩感
下：天身，亦即係中間部分嘅赤身，比較瘦，於是魚味比較出，肉亦比較嫩，好似一片飽滿嘅唇。
上：蔥吞拿魚腩
下：麵豉湯
非常甜嘅富良野赤蜜瓜，隔離驟眼睇以為係豆腐，但其實係粟米味嘅mousse，今餐嘅驚喜一直維持到去到甜品。
一定會再返唻食。
張貼
