323
1
0
| 餐廳: | 寿々乃 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
港鐵銅鑼灣站 A 出口，步行約 5 分鐘
繼續閱讀
電話號碼
94381533 (WhatsApp)
開飯介紹
餐廳主打新鮮的日式刺身，設有廚師發辦，為客人製作當日新鮮的刺身配搭。
繼續閱讀
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
優惠
| 餐廳: | 寿々乃 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
廚師發辦各家各法，洋溢師傅的個人風格，除此以外，原來師傅健談與否，亦可以有很大分別，跑馬地的「寿々乃」，主理人非常健談，營造好客氛圍，閑話家常，親切如在朋友家宴。晚上的廚師發辦每位收費$1880，配合精心配製的食物及新鮮的刺身食材，物有所值！先付新年首季，師傅刻意造出多款日式地道賀年食品，繼續喜氣洋洋。有丹波黑豆、栗子、日出魚蛋、雞蛋魚肉做的伊達卷及昆布卷等；舒適的食物，喚醒胃納。季節－新年清湯紅白顏色好意頭，蝦喻意長壽及身體健康、年糕喻意事事順利、雞代表五谷豐收，組合有意思，而柚子的作用是調味。刺身五點：長崎雉羽太．醋汁 即是石班，以醋汁調味，鮮甜味清，回甘悠久，我很喜歡。富山白蝦．鼓油一小疊已是幾十條的迷你白蝦，晶瑩剔透，奢華的美味。熊本縞鰺 貌似油甘魚，但級數高許多，肉質爽脆，配芥末鼓油食。炸沙甸魚苖迷你沙甸魚交織成一片片的脆餅，數數黑色的眼仔就知有幾十條之多，很香脆，少少鹹鹹地的味道很討好。北海道生北寄貝生的北寄貝，因此呈紫色而非常見的暗紅色，極爽口。水白瓜魚．芥末漬魚肉及爪管鴛鴦配，非常爽甜，蘸少許芥末漬，鹹鹹地很夾。季節料理之一：崑布醬油燒白子相比酸汁煮，我更愛燒白子，外脆內肥美，口感一流。和哥山的上乘吞拿魚腩，色澤亮麗，粉嫩吸引，面前即劏即做，好不期待！季節料理之一：炸目光魚 炸至完全通透，魚骨可吃，每一口皆香脆。接下來是壽司系列，全部是一口壽司，刺身與飯的完美組合，基本上是刺身包着飯，但客人可要求多飯或少飯。師傅建議翻轉壽司入口，嚐味的舌頭便會先接觸到刺身，咀嚼時就是刺身包着飯的味道，更能享受到每一件壽司不同的風味；想一想理論非常合理，平日舌頭先碰到壽司飯，感覺就是差不多，現在才恍然大悟！壽司10貫，吃得滿足：金目鯛壽司 - 酸酸哋的醋香間八壽司福岡槍魷魚壽司針魚壽司青森帆立貝壽司岩手縣甘海老壽司三隻蝦並排，倍增口感，呢一款有特色！愛知縣赤貝壽司非常新鮮，才有這個色澤。中拖羅壽司大拖羅壽司．鹽－因為太肥，無需加鼓油吞拿魚醬油漬壽司 - 肥美帶酸香海膽手卷麵豉湯十勝紅豆水羊羮．福岡士多啤梨自家做的水羊羮，唔太甜，適合香港人的口味。
繼續閱讀
終於去咗銅鑼灣一間頗有口碑嘅壽々乃，試佢哋嘅十二貫壽司omakase。坐低嗰下，師傅先奉上杯熱茶，入口溫度啱啱好，飲落暖笠笠，舒舒服服咁為成餐飯開個頭。開始會上腐皮卷同茶碗蒸，腐皮卷淡淡豆香，清清地好開胃，茶碗蒸就滑到不得了，蛋香同埋啲高湯味道融合得好自然，咸香適中。第一貫係真雕天然嘅鯛魚，魚肉白滑，味道非常清甜，咬落啲纖維感好細膩，食到佢天然嘅鮮味。跟住縞鰺（熊本天草），油脂感啱啱好，魚味比鯛魚濃郁啲，入口好滑，咬落有啲彈性，幾有層次。之後金目鯛最特別，師傅用熱水略過，保留咗皮下嗰層脂肪，入口即溶，啲油香勁突出，但完全唔膩。關青就係關東入貨，魚味比較清爽，帶少少脆感，咬落新鮮度一流。槍魷魚切得薄薄哋，中間夾咗塊紫蘇葉，一入口先係魷魚嘅鮮甜，再帶紫蘇嘅清香，兩種味道幾夾。池魚味道淡淡地，但口感柔軟滑溜，最啱配啲少少豉油提味。去到甘海老，啲蝦肉好厚肉，食落超鮮甜，幾乎係入口即溶。海老真丈就係將蝦打成蝦膠，口感彈牙得嚟又帶啲鮮香，好特別，幾少壽司店會做到咁精緻。之後係和歌山中吞拿魚腩，油脂分布平均，魚味香濃，放入口輕輕咬已經散開。大吞拿魚腩就再奢華啲，師傅落咗少少鹽提升魚味，油香非常誇張，但鹽味令整體平衡得好好，唔會膩。最後吞拿魚醬油漬味道更深層，醬油香滲入魚肉，鹹香中帶返吞拿魚嘅甜味。食完壽司之後，仲上咗隻車海老，啲蝦肉新鮮彈牙，蝦頭味道仲好香。最後一碗烏冬，湯底清甜，麵條煙煙韌韌，暖笠笠好舒服，收個靚尾。臨走前飲杯橙汁，清新解膩，完美收尾。成餐飯體驗非常好，食材新鮮，處理細膩，師傅服務親切，絕對值得一試！
繼續閱讀
📍位於跑馬地，店內富有日式風情🎎🇯🇵，吧檯座位約10個，讓食客能近距離欣賞師傅的手藝。📍師傅健談且經驗豐富，會詳細介紹每道菜的食材和製作方法，營造輕鬆愉快的用餐氛圍📍師傅多年經驗豐富，曾於日本魚市場及刺身店工作💪🏻～～～～～👅𝔸𝔹𝕆𝕌𝕋 𝔽𝕆𝕆𝔻👅～～～～～➿先付Appetiser宮崎縣小螃蟹+青檸魷魚➿鱧魚清湯鱧魚湯+鰊魚肉+順菜 順菜口感好似啫喱，與鱧魚湯味道十分夾👅➿愛媛縣鱸魚刺身肉質鮮嫩建議成塊點酸汁一齊食😋➿日本富山名物—白蝦🦐產量少係我食過最甜嘅蝦😚可以與醬汁一起吃，口感更正➿炸沙甸魚魚苗小食呢個係師傅額外送的送酒小食，口感極度酥脆👅好好食➿九州京都鹿兒縣間八刺身食落好彈牙，好🅕🅡🅔🅢🅗➿愛知縣赤貝+北海道北寄貝建議點少少鹽+檸檬汁一齊食😋強烈推薦北海道北寄貝👅👅👅好鮮甜➿原隻紫海膽⚠️原來係有分男女👧🏻👦🏻男：鮮黃色 比較Creamy女：比較暗沉⚠️師傅表示如果帶有礦物味 ⚠️就建議加Wasabi同醬油一齊食➿富山名物白蝦整成嘅炸蝦球個口感好似食緊炸豆腐👅➿粟米天婦羅黃色粟米—長崎縣比較濃郁白色粟米—北海道比較清甜➿握寿司-十貫1. 愛知縣鮎魚⚠️一條魚只能整到兩件壽司2. 熱海金目鯛3. 天草縞鰺魚 彈牙似油甘魚4. 青森帆立貝 —⚠️事前會用昆布醃製 所以帶有昆布味5. 福崗槍魚6. 倉筋池魚—超過10%脂肪 刺身下面加埼玉縣淺蔥令到層次提升7. 中拖羅魚腩8. 大拖羅魚腩 😋入口即溶嘅感覺師傅會加咗鹽 可以降低油香 突出個魚味9. 吞拿魚醬油漬 赤身係成條魚中心嘅部份10. 北海道馬糞海膽手卷（盒裝）11. 足料麵豉濃湯 入面有淡淡魚肉12. 富良野赤肉瓜 沖繩熱情果芝士餅 自家制味道：👅👅👅👅👅/5環境：👅👅👅👅👅/5服務：👅👅👅👅👅/5推介：👅👅👅👅👅/5📍跑馬地黃泥涌道163號地鋪
繼續閱讀
寿々乃（Suzuno）已經開始有三十年歷史 是一家以新鮮刺身和廚師發辦（Omakase）為主打的日式餐廳。餐廳以精緻的日式料理和季節性食材聞名，提供晚市套餐，特別是「Miyabi」Omakase套餐備受推崇。雖然餐廳已從銅鑼灣搬遷至跑馬地，但其在銅鑼灣時期的出色口碑仍然令人印象深刻。🍣食物品質與特色 寿々乃以新鮮刺身和Omakase套餐聞名，整體而言，寿々乃的食材新鮮度無可挑剔，每道菜都體現了鄧師傅對季節食材的精准把握與創意搭配。Omakase的精髓在於「廚師的用心」，而寿々乃完美詮釋了這一點。這次我選擇了晚市的「Miyabi」套餐（每人HK$1,880+1），菜式如下：🍣先付（前菜）
套餐以一系列精緻前菜四物開場，宮崎縣的蟹 昆布魚及尤魚 。這些前菜不僅展現了季節食材的鮮美，也為整餐定下了高質的基調🍣淡湯 柚子青檸鱧魚湯配順菜吃落和啫喱一樣日本京都的餐廳，現在都多數安排呢個菜式🍣季節刺身
刺身是寿々乃的強項，魚肉入口即化，展現了極高的食材新鮮度。其他刺身如拖羅、金目鯛和縞鰺魚也同樣出色，尤其是拖羅，油脂分布均勻，入口濃郁卻不膩，堪稱亮點之一。1.四國愛媛縣鱸魚剌身 有紫蘇 醋骨 檸檬醋2.日本富山縣白蝦刺身 （因為最近日本地震，所以產量較少） 十分珍貴3.小食 炸沙甸魚魚苗4.九洲嫺八魚刺身5.愛知縣赤貝配紫蘇葉加北寄貝配檸檬及鹽🍣壽司1. 日本愛知縣尖魚 （一條魚只能做到兩件壽司） 2. 熱海 金目鯛 熱水浸軟連魚皮都可以食 保留皮下脂肪3. 縞鰺 來自天草 熊本縣4. 青森帆立貝 有昆布醃製過 非常軟滑👅5. 福岡 䱽魷魚配小塊紫蘇葉6. 保根 池魚 配其玉縣淺蒽 超過10% 脂肪7. 和歌山中吞拿魚腩8. 大吞拿魚腩 加左salt 降低油脂 入口即化9. 赤身吞拿魚腩 成個吞拿魚腩中間部位🍣手卷北海道馬糞海膽手券 多到滿瀉！🍣吸物麵豉濃湯🍣甜品
餐點準備了日本富良野赤肉蜜瓜及沖繩熱情果洋色和菓子，甜而不膩，清甜多汁，為整餐畫上完美的句號。🍱環境與氛圍 店內環境不大，僅設有約10席的吧檯和少量桌位，營造出濃厚的日式簡約風格。木質裝潢搭配柔和燈光，氛圍輕鬆而典雅。吧檯設計讓食客能近距離觀賞鄧師傅及其團隊的精湛刀工與料理過程，這種「身臨其境」的互動感是Omakase體驗的亮點。雖然空間不算寬敞，但每處細節都透露出日式美學的精緻與用心，例如在店舖後面有個日式小庭園，適合追求高質用餐體驗的饕客。🍱服務 寿々乃的一大強項便是服務。無論是生客還是熟客，服務團隊的態度都一視同仁，熱情且專業。師傅不僅在料理上展現功力，還會親自為客人介紹每道菜的食材來源與製作方式，讓人感受到他的熱情與對日式料理的執著。服務員細心周到，從入座到結帳都令人感到賓至如歸 ，每日可以serve 三小時起 。點餐時聽到其他人提到對某些海鮮過敏，服務員迅速與廚師溝通，調整了菜單內容，體現了高度的靈活性和對顧客需求的關注。🍱性價比 以香港的高端日式餐廳標準來看，價錢是HK$1,880+1 ! 考慮到食材的新鮮度、料理的精緻程度以及服務的用心，性價比還是高！對於喜愛日式料理的饕客，這裡絕對值得一試，甚至成為「Encore」的首選！味道😋😋😋😋😋/5環境😋😋😋😋😋/5服務😋😋😋😋😋/5推介😋😋😋😋😋/5@MAPHK2021寿々乃（Suzuno）📍 寿々乃 (跑馬地)跑馬地黃泥涌道163號地舖📞94381533⛳️建議提前預約，特別是晚市時段的Omakase，座位有限。⛳️若對某些食材有過敏或偏好，務必提前告知，廚師會靈活調整菜單。
繼續閱讀
今晚的師傅性格開朗健談，帶動成餐飯嘅氣氛都好愉快 ：）前菜賣相精美，芝海老味道鮮甜；用沙甸魚魚苗炸成脆片，好似食薯片咁得意；明太子鯛魚夠咸又鮮味！伴碟仲有昆布卷同蜜漬黑豆，小小的一碟前菜就有五種食材，廚師真係心思十足。之後的蜆湯味道十分清甜，一啲鹽都冇加，完全係食材的鮮味，好純粹。見到師傅由雪櫃拎咗刺身嘅寶盒出嚟，馬上雙眼發光～ 櫻鯛係春季嘅魚，味道比較清淡，散發淡淡的油香。富山白海老身型嬌小，口感比平時的蝦黏糯，味道很鮮，輕手加幾滴醬油已經好夠味。縞鰺其實是深海池魚王，魚味濃厚但不乏油脂的甘香，非常喜愛 ^ ^接着有炸富山白海老，真身真係好細隻好可愛，送酒一流哦。兵庫縣鳥貝味道同埋赤貝勁新鮮，師傅先拍打貝類，令佢哋肌肉收縮，兩款都扎實有咬勁，味道鮮嫩！螢光魷魚刺身可能係第一次食，都算大隻，爆晒汁好鮮甜！原來螢光魷魚刺身可以食到嘅時間好短，過咗春季可能就係食冰鮮嘅螢光魷魚了。跟住係燒櫻鯛白子，外型同平時食開嘅白子唔一樣，口感結實少少，燒起上嚟好好味！炸目光魚又係一個適合送酒嘅菜式，非常香脆可口👍跟住師傅就開始準備食材，係大家非常期待嘅豐富嘅壽司環節！針魚味道清爽熱海金目鯛油分重，好味道北寄貝好厚肉，口感不錯象拔蚌又係我好鍾意嘅貝類，勁爽甜呀日本直送㗎車海老好生猛，師傅喺食材盒拎出嚟，真係今朝喺日本飛過嚟㗎，用凍水喚醒佢，造成壽司嘅時候仲好生猛，肉質好爽味道好正！關鯖肉質紮實，味道好濃郁，如果有胃納，真係可以encore福岡槍魷魚口感軟腍，亦係非常鮮味白見貝厚身爽口甜蝦用咗三隻蝦，師傅稱呼佢係哈哈哈，食完特別開心😂中拖羅可能係今晚嘅最愛，真係好好食，油香十足嘅同時亦都有充足嘅魚味大拖羅，油脂大爆發，食完真係齒頰留香！醬油漬赤身味道就比較濃郁，三款吞拿魚真係各有千秋。海膽！師傅非常慷慨，大排海膽放落壽司嗰度😍 真係非常超級滿足～最後最後，蒽吞拿魚腩手卷，睇住師傅由零開始製作，動作爽快利落，好快就做好吞拿魚蓉！個手卷真係好足料！食埋自家製甜品，大滿足！多謝師傅今晚嘅款待🙌🏻
繼續閱讀