當文歷餅店 by Dominique Ansel (已結業)

想試好耐，咁啱有的商場購物卷，所以一於買黎試下，不過真係好多人😆。排隊買既人多，而且真係有的慢，所以都排左1個鐘😑，拎貨品都要等30分鐘先有😒，買幾件野要1.5小時，真係好耐。不過價錢平咗，可以買多幾樣嚟試，等耐的都值既🤣。🔻黑白奶罐$65🔻其實係海鹽焦糖奶凍，望落幾靚，主觀認為外層係白朱古力，可能會比較甜，但係點知食落口係偏鹹多啲🤣。海鹽味好出，蓋過咗甜美，但依然都有焦糖嘅味道，偏向鹹味嘅奶凍我都係第一次試到🤣🔻蛋捲蛋撻$38🔻唔算特別，蛋味係香嘅，但係撻皮就唔係我杯茶😂，淋淋地，唔算係超好食🤭。🔻港式奶茶曲奇杯$96🔻個杯係肉桂曲奇，配一個超迷你版嘅樽仔奶茶😂，係幾得意嘅，組合埋係幾過癮😍。但係味道偏甜🤭，曲奇杯係肉桂味，而且比較厚同硬身，因為曲奇杯裏面有一層朱古力🍫，所以真係比較甜，試吓就夠了。