松記糖水店 (已結業)

早輪同朋友食晚飯, 朋友講起佢嘅食經, 滔滔不絕... 之後佢提到食甜品一定要去銅鑼灣嘅松記, 搞到我成日心思思想試吓... 同其他朋友提起時, 人人一聽個名都MARK大晒個口咁話, "我知, 幾時都好多人排隊果間吖嘛!!! 冇可能排到o架喎!!!"... 搞到我都脅脅地...今晚難得有飯局, 我向朋友提起松記糖水, 佢一聽就問係咪源自元朗果間... 吓?!! 我唔知喎!!! 跟手上網做吓Research, 原來真係!!! 咁你都知... 勁!!!我地為免要排餐死, 所以決定今晚食咗糖水先食飯, 嘩咔咔咔!!!幻彩明珠人人都好似係為咗呢個招牌菜而去咁, 所以我都唔執輸, 試吓先... 落單時有問我走唔走花奶... 嗯... 走吖, 唔該!!! 一見真身, 嘩, 材料真係超級多款, 有西瓜、蜜瓜、哈密瓜、大西米、黑珍珠、涼粉... 霎時間真係無從入手!!! 最後都係由面食起... 大西米撈芒果汁真係最佳組合, 好味!!! 生果唔夠甜, 黑珍珠同涼粉都唔錯, 整體都好MATCH...雪糕明珠朋友明明揀芒果味雪糕o架?!! 同埋自選雪糕明明只係得曲奇、朱古力、芝麻、芒果、紅豆, 點解變咗雲呢