亞萊泰 (淘大商場3期) (已結業)

淘大商場實在太多餐廳選擇，與友人都好肚餓，又想食下新野。就揀左呢間裝修好似唔錯嘅餐廳，泰國嘢，選擇好似都幾多，價錢又唔貴，三十幾就有選擇，仲有熱飲。裏面環境靚空間闊，坐得幾舒適，可能過咗午飯時間，人流已經唔係好多，所以服務算周到，又好啱坐喺度傾計，幾好幾好。友人叫做黃咖喱雞扒飯，分量唔少賣相都幾靚，夠晒一個女仔食。友人話呢個黃咖喱撈飯好正，唔會太辣因為佢唔識得辣嘅，好香椰香同時有少少甜，係正👍。然後我就叫咗個冬陰公豬頸肉湯檬粉，冬陰公湯底還原度幾高喎，酸酸辣辣，仲見到佢啲調味香料添，非常惹味，可惜就豬頸肉少咗啲，但食完都好夠飽ge。