三星台菜食堂 (新城市廣場一期) (已結業)

兩個人lunch 去食下台灣面，我地order 花鵰面、ktv 香腸、麻辣牛肉冬粉。同一位女侍應落單，已經指住個圖話要ktv 香腸，佢第一句話一份炸大腸，我話唔係，係香腸，跟住佢九唔撘八話"我地香腸係炸", 我強調多次要ktv 香腸，佢就話OK。 點知俾左張單我地睇，佢落左炸大腸，我又同佢講都話唔係炸大腸，指埋個menu 幅圖同佢講，佢仲堅持話係香腸。我話兩個價錢唔同，佢先問佢同事先知炸大腸唔係香腸，佢話以為同一樣野跟住佢地就同我改單，點知改完本來係麻辣牛肉冬粉，變左麻辣三星面我搵第二個侍應改單，建議佢train 下嗰位女侍應先。其實個menu 已經唔多選擇，睇住圖都落錯單。 90幾蚊碗面，份量又少。