影片
更多
2025-07-29
0 瀏覽
早前book唔到台灣夜市下午茶•宵夜$69.9優惠嘅位，咁就平日下午1:30等walk-in排隊位，等咗2:15hr先入到去食，等咗咁鬼耐，又得5個walk-in名額，令我好期待究竟係咪真係咁好食啦🥰所謂無希望就無失望，反之亦然😊見人哋食評話個肉燥飯係MVP好好味，就即刻自助出去筆少少嚟食，無咩鹹味淨係覺得好油😊生果又唔見有，淨係得肉燥飯嗰兩兜嘢，同埋十款調味料…混個醬就番埋位…我見識真係少，佢個自助bar得呢兩款嘢😊講明台灣夜市，梗係要試吓佢個牛腩麵，麵Ok有彈性，嗰兩塊牛充滿肌肉，做完運動嚟，咬唔開，筋多肉唔淋overcook咗，同我喺台灣食嘅牛腩大相逕庭😊讚吓佢個紅糖糍粑，煙煙韌韌，相信好難煮得難食😊炸黑虎蝦蝦卷3大條，抵讚夠飽肚無咩蝦味🥳連台灣香腸都要切薄片，炸上碟，小弟甘拜下風🤲🏻炸台南鹽酥雞簡直不得了，細細粒細細粒咁，出面層炸粉厚皮到，d雞肉不知幾矜貴🥳野生比目魚柳同鹽酥雞有異曲同工之妙啊，連個蔥油餡餅都係成個鹹水角咁嘅炸波狀，唔係講笑第一次見🥳我同個fd都滯到食唔曬嗰2個波波，全部炸嘢，正🥳嗰4條炸甜不辣，頑石，𡁻咗好多下都吞唔落，唔知食緊咩🥳計我話，MVP應該係個台式蛋
早前book唔到台灣夜市下午茶•宵夜$69.9優惠嘅位，咁就平日下午1:30等walk-in排隊位，等咗2:15hr先入到去食，等咗咁鬼耐，又得5個walk-in名額，令我好期待究竟係咪真係咁好食啦🥰所謂無希望就無失望，反之亦然😊
見人哋食評話個肉燥飯係MVP好好味，就即刻自助出去筆少少嚟食，無咩鹹味淨係覺得好油😊生果又唔見有，淨係得肉燥飯嗰兩兜嘢，同埋十款調味料…混個醬就番埋位…我見識真係少，佢個自助bar得呢兩款嘢😊講明台灣夜市，梗係要試吓佢個牛腩麵，麵Ok有彈性，嗰兩塊牛充滿肌肉，做完運動嚟，咬唔開，筋多肉唔淋overcook咗，同我喺台灣食嘅牛腩大相逕庭😊讚吓佢個紅糖糍粑，煙煙韌韌，相信好難煮得難食😊炸黑虎蝦蝦卷3大條，抵讚夠飽肚無咩蝦味🥳連台灣香腸都要切薄片，炸上碟，小弟甘拜下風🤲🏻炸台南鹽酥雞簡直不得了，細細粒細細粒咁，出面層炸粉厚皮到，d雞肉不知幾矜貴🥳野生比目魚柳同鹽酥雞有異曲同工之妙啊，連個蔥油餡餅都係成個鹹水角咁嘅炸波狀，唔係講笑第一次見🥳我同個fd都滯到食唔曬嗰2個波波，全部炸嘢，正🥳嗰4條炸甜不辣，頑石，𡁻咗好多下都吞唔落，唔知食緊咩🥳計我話，MVP應該係個台式蛋餅+台式蛤俐湯，呢兩樣非油炸嘅嘢帶到食材鮮味出嚟，不過不失。佢每碟炸嘢都細細碟，但同fd一齊嚟食記得淨係叫一碟share食就好喇😊奶茶就中間水準啦，記得走甜走珍珠，因為珍珠太淋🥳嘢食質素高成咁，唔怪得人哋食評話要飲3杯嘢就回曬本啦，師傅我明白了😊
環境：冷氣大凍住食，要飲熱飲，卡位枱底下爐位頂腳尖，我算哈比人，都要諗隻腳點擺，卡位梳化舊厚身硬咕𠱸頂住個背脊，唔舒服，前頂後頂，食到背脊骨落，諗住拎走身後舊咕𠱸啦，嘩！一拎走佢就見到椅背接觸面有霉菌黑點😄我唔想背脊都被佢沾污，拿拿聲拎番舊咕𠱸墊番住，所謂眼不見不為淨，但我又衰啦望多咗幾眼😉細看墊喺背脊同隔籬嗰舊咕𠱸，又係有好多細黑點，潔癖人士記得唔好望啊🥳
一個字：掂！推介！未試過嘅人都應該試試佢💕呢間嘢畀滿分啦緊係要😍埋單出門口仲收到平頭capybara男職員誠懇嘅「多謝光臨」，我心入面覆佢「Thank you, Next」☺️
——————————————————
牛麵
$70
0 瀏覽
0 讚好
0 留言
張貼
