影片
更多
2025-05-30
421 瀏覽
京菜你可能聽得多，最多一定係北京烤鴨（片皮鴨）、驢打滾、炸醬麵之類，涮羊肉其實都係京菜之一，但大家可能少聽，甚至乎未試過。「新京熹」 — 我幾個月前路經南山萬象天地都見過，但就未試過，裝潢無一般京菜咁古色古香，算係新潮且潔淨一點，今日約係中環食晚飯，有機會可以一嘗。今之揀選左$799嘅二人套餐，連同小料、茶位、加一，埋單$962，人均$481，於中環晚餐黎講，唔係特別貴，但絕對唔係平，間唔中食一次都還好。套餐包含兩個湯鍋、草飼180天羔羊肉 (大份/300g)、鮮切錫盟谷飼羊梅花肉 (150g)、經典大片脆毛肚 (150g)、蔬菜鮮菌拼盤 (大份)、老北京糖油餅，總括而言，味道唔錯，都真係食到好飽下。湯底可選麻辣、番茄及清湯，二人的話麻辣及番茄各一，試曬兩款口味。無得選辣度，麻辣口味比較溫和，唔會太辣，而我食譚仔特辣黎講，當然口味算係清淡，但對普通人黎講應該剛剛好；番茄湯底還好，無咩特別，可能涮羊肉比較著重羊肉本身嘅鮮味，所以湯底都唔會太重口味。先食糖油餅，外脆內軟，咸甜咸甜般，有少少似牛脷酥嘅感覺，算係幾好食。草飼180天羔羊肉 (大份/300g): 有成一米長嘅盤橫跨整張檯，視覺上
今之揀選左$799嘅二人套餐，連同小料、茶位、加一，埋單$962，人均$481，於中環晚餐黎講，唔係特別貴，但絕對唔係平，間唔中食一次都還好。套餐包含兩個湯鍋、草飼180天羔羊肉 (大份/300g)、鮮切錫盟谷飼羊梅花肉 (150g)、經典大片脆毛肚 (150g)、蔬菜鮮菌拼盤 (大份)、老北京糖油餅，總括而言，味道唔錯，都真係食到好飽下。
湯底可選麻辣、番茄及清湯，二人的話麻辣及番茄各一，試曬兩款口味。無得選辣度，麻辣口味比較溫和，唔會太辣，而我食譚仔特辣黎講，當然口味算係清淡，但對普通人黎講應該剛剛好；番茄湯底還好，無咩特別，可能涮羊肉比較著重羊肉本身嘅鮮味，所以湯底都唔會太重口味。
先食糖油餅，外脆內軟，咸甜咸甜般，有少少似牛脷酥嘅感覺，算係幾好食。
草飼180天羔羊肉 (大份/300g): 有成一米長嘅盤橫跨整張檯，視覺上都幾震撼，羊肉新鮮，羊羶味適中，味道相對柔和，與麻辣湯底蠻匹配。唯一缺點係切得太碎，一塊灼完好易斷開3-4小塊，好難夾。
鮮切錫盟谷飼羊梅花肉 (150g): 擺盤又係幾精美，而呢款切得唔錯，廚師會係食客面前即場手切，比前一款羊肉片較為厚切，食起黎幾有肉感，亦帶較多脂肪，肉質較爽滑，油香更為突出！
經典大片脆毛肚 (150g): 食麻辣火鍋必點黑毛肚，其口感非常爽脆，真出色，輕灼十秒八秒即可享用。
張貼
