四點金飯店 (已結業)

最近疫情放緩不少，出去食嘢嘅意欲都增加左。就係新都城商場二期，有一間主打食潮州打冷嘅餐廳，叫做四點金。由於得兩個人，小菜嘅款式可以話係花多眼亂。對於有選擇困難症嘅我哋，最後揀咗二人餐，有三餸一湯，加埋甜品都係二百幾蚊。小菜嘅選擇亦都唔少，除咗有海鮮和肉類之外，仲有唔同嘅滷水拼盤。胡椒豬肚湯胡椒豬肚加埋芥菜，飲落去辛辣味非常，而且好暖胃。豬肚湯係屋企都比較難去處理，一般都好多功夫，所以出去飲最好不過。滷水鵝拼盤呢個滷水鵝拼盤有齊晒你喺潮州菜想食嘅嘢，除咗鵝片之外，仲有鵝腎、豬脷、紅腸等等材料，送酒一流。黃花魚黃花魚啲肉好滑，加上其他香芹和白蘿蔔等等配料， 好家常的個小菜！家鄉春菜炆豬腩呢一個相信係潮州嘅家鄉小菜，不過上台嗰刻有少少失望，因為賣相都好似煲湯嘅材料。食落去味道冇乜大特別，都好有屋企嘅味道，春菜因為炆到林左，食唔得出有什麼味道。蛋散蛋散炸得香脆可口，配上豆腐花用的黃糖以及煉奶，增添少少甜味.福果清心丸綠豆爽作為飯後甜品一流，清心丸爽口彈牙，熱辣辣我。而且綠豆爽唔係太甜，清清淡淡都啱長輩食。