影片
更多
2005-07-17
9 瀏覽
係唔係真係唔知，因為呢兩味都無咩考究。俄國菜都叫知幾味如羅宋湯或燉肉等，但烏克蘭的話，就只係識得舒夫真高。有日同同事食飯，行行下，佢話不如試呢間。好奇怪，呢間野在這裡日子不淺，但一次都未試過，就趁今日試下掂唔掂先。呢度地方唔錯，木製傢具加上柔和的燈光，給人客舒適的感覺。選了靠玻璃的檯坐下，陽光射入來，雖然會熱一點，但人也吃得也開朗一點。這裡午餐分幾款，除a la carte外，亦可以叫連湯、沙律、甜品及飲品的自助餐，想吃多一味主菜的話，就加多廿蚊就可以。同個同事出去兜左一轉，見沙律及甜品都幾多野食，所以就無要前菜了。食用普遍來說也不算差，湯有四款，菜湯、魚湯、羅宋湯及忌廉湯。只試了魚湯及羅宋湯，前者不錯，有魚味亦沒有什麼腥味，後者只可以說是不差，因為還渴過更濃更好味的；沙律都有八款咁多，不吃的話，單看外形是幾難認得出邊款打邊款，因為碟碟都差不多﹝圖示﹞。味道過得去，但在大熱天時，吃沙律又真係可以加分不少的。最好吃的是酸菜，幾開胃，當然蕃茄都不錯，清新又健康一點；甜品有幾款，有甜蛋餅及幾款蛋卷，雖然甜得有點「漏」，味道不錯，亦應該是自家製的。一樣吃一點，加加埋埋，其實已經好夠飽，大家也慶
有日同同事食飯，行行下，佢話不如試呢間。好奇怪，呢間野在這裡日子不淺，但一次都未試過，就趁今日試下掂唔掂先。呢度地方唔錯，木製傢具加上柔和的燈光，給人客舒適的感覺。選了靠玻璃的檯坐下，陽光射入來，雖然會熱一點，但人也吃得也開朗一點。這裡午餐分幾款，除a la carte外，亦可以叫連湯、沙律、甜品及飲品的自助餐，想吃多一味主菜的話，就加多廿蚊就可以。同個同事出去兜左一轉，見沙律及甜品都幾多野食，所以就無要前菜了。
食用普遍來說也不算差，湯有四款，菜湯、魚湯、羅宋湯及忌廉湯。只試了魚湯及羅宋湯，前者不錯，有魚味亦沒有什麼腥味，後者只可以說是不差，因為還渴過更濃更好味的；沙律都有八款咁多，不吃的話，單看外形是幾難認得出邊款打邊款，因為碟碟都差不多﹝圖示﹞。味道過得去，但在大熱天時，吃沙律又真係可以加分不少的。最好吃的是酸菜，幾開胃，當然蕃茄都不錯，清新又健康一點；甜品有幾款，有甜蛋餅及幾款蛋卷，雖然甜得有點「漏」，味道不錯，亦應該是自家製的。一樣吃一點，加加埋埋，其實已經好夠飽，大家也慶幸沒有貪心再叫埋主菜。
杯咖啡普普通通，埋單130蚊，以環境及食物水準計，都唔算好貴，可以一試。
看其餐牌，幾款主菜都似幾有特色，價錢都算幾合理，下次晚上找機會再來。
張貼
