正宗山西刀削麵皇

營業中

休息中

前排見荃灣一田大減價，所以就兩口子出一出荃灣。係血拼之前，當然要醫一醫肚先有氣力搏殺。山西刀削麵多年前食過一次，今次心血來潮就翻一翻兜佢。我就叫左麻辣刀削麵套餐+麻辣金錢肚+凍奶茶，正好50元正。面條厚度恰當，略有韌度，湯底香濃帶點甜。最出乎預料既係碟金錢肚，金錢肚上面鋪滿一層辣椒醬同蒜粒，香辣惹味拎滿分！熱辣辣既天氣再飲一啖凍奶茶，幸福就係咁簡單。另一半就叫左刀削麵套餐+香辣豬軟骨+凍華田，同樣50大元。相比起金錢肚，豬軟骨就失色不少，雖然肉做到淋既效果，但味道一般，香味不足。整體黎講，推薦大家一試，麻辣金錢肚絕對係上上之選，其他就等大家話我知。