尚八日式燒肉店 (已結業)

之前去過荃灣個間食，食完覺得幾好味，聖誕特登book 位試下去旺角分店食，食完嬲到以後都唔想去任何一間分店食明明第一轉上枱嘅真係好食嘅和牛黎，放上爐度d火係馮馮聲咁架，因為真係多油到滴哂出黎，特別係和牛冧，頭個轉嘅肉係正嘅（個舊所謂鵝肝個樣成塊過期麵包咁，咬完無吞）但係之後叫左幾轉，d肉變哂做又無牛味又韌咬十世都咬唔開嘅肉，頭幾塊係咁，算！我當我食到筋位，但之後十幾塊，塊塊都食到好似食橡筋咁最嬲係臨走最後一碟，竟然又變返正常口感和牛，咁你話代表咩啦聖誕流流特登book 位中伏中到喊哂口，免費我都唔會再食