影片
更多
2009-01-18
14 瀏覽
幫襯左呢間泰國菜館四年喇~ 雖然每年只可以黎一兩次，每次都係午餐，但係我地多數都揀A la Carte既食物，等耐少少都唔緊要~值得推介既：乾咖哩炒軟殼蟹 - 每次都係新鮮炸起既軟殼蟹，就算加埋d咖哩汁都仲會脆卜卜~ 個咖哩汁有少少飄忽既，多數都比較杰身，但係間唔中一次就會水汪汪D~ 但係味道都一樣抵讚，入口甜甜地，之後唔同香料既香味就慢慢滲出黎…食多幾啖先會覺得辣既，係香辣唔係嗆喉既死辣…配埋d有肉既軟殼蟹，非常好! (真係次次都叫架)椰青飯 - 賣相精緻，個椰青起哂D肉用黎炒飯，炒飯裝滿椰青再加少少豬肉鬆上面…飯炒得好靚，夠乾身夠味唔太油膩，用料都好足有蝦又有雞肉粒~ 讚!Phad Thai - 唔會唔好食既炒河，炒得好香好足料，無可否認唔係太正宗既~冬陰功 - 一細碗既湯有齊大蝦，草菇同筍，酸酸既青檸味，嗒嗒下d辣先攻出黎~ 我唔係好食得辣，所以一小碗就夠喇…有一次叫左一小窩都飲唔哂~另外試過佢既小食，兩個人唔應該點既，因為小食都頗大份：炸蝦餅(8大件) - 熱辣辣好彈牙，炸得好脆但係都幾油~糯米讓雞翼 (兩大隻) - 心機菜，雞翼皮脆糯米炒得好香，真係好飽肚~串燒 - 普通D，
值得推介既：
乾咖哩炒軟殼蟹 - 每次都係新鮮炸起既軟殼蟹，就算加埋d咖哩汁都仲會脆卜卜~ 個咖哩汁有少少飄忽既，多數都比較杰身，但係間唔中一次就會水汪汪D~ 但係味道都一樣抵讚，入口甜甜地，之後唔同香料既香味就慢慢滲出黎…食多幾啖先會覺得辣既，係香辣唔係嗆喉既死辣…配埋d有肉既軟殼蟹，非常好! (真係次次都叫架)
椰青飯 - 賣相精緻，個椰青起哂D肉用黎炒飯，炒飯裝滿椰青再加少少豬肉鬆上面…飯炒得好靚，夠乾身夠味唔太油膩，用料都好足有蝦又有雞肉粒~ 讚!
Phad Thai - 唔會唔好食既炒河，炒得好香好足料，無可否認唔係太正宗既~
冬陰功 - 一細碗既湯有齊大蝦，草菇同筍，酸酸既青檸味，嗒嗒下d辣先攻出黎~ 我唔係好食得辣，所以一小碗就夠喇…有一次叫左一小窩都飲唔哂~
另外試過佢既小食，兩個人唔應該點既，因為小食都頗大份：
炸蝦餅(8大件) - 熱辣辣好彈牙，炸得好脆但係都幾油~
糯米讓雞翼 (兩大隻) - 心機菜，雞翼皮脆糯米炒得好香，真係好飽肚~
串燒 - 普通D，沙嗲偏甜
香茅雞翼 (8隻) - 呢個竟然係炸既，雖然好香口，但係唔敢食得多，同埋略嫌醃得唔夠入味~
其他菜式，不過唔太岩口味既：
青咖哩 - 用一個小窩裝住好足料既青咖哩雞，先甜後辛，水汪汪既…不過我就麻麻地，因為太水汪汪撈唔到飯，同埋佢用雞胸肉，我係唔食既~
蒜茸胡椒炒軟殼蟹 - 似避風塘炒軟殼蟹，加左原粒胡椒好香，可惜太鹹喇~ 淺嘗還可以，食多兩塊就要灌水喇~
紅咖哩燒鴨 - 黎到先知係煙鴨胸>.< 紅咖哩做得好，但係無啦啦加左提子乾，同埋煙鴨胸做咖哩就怪怪既~
有人話呢度唔係正宗泰國菜…我唔知，可能真係為左迎合香港人既口味~ 但係佢每一道菜都落足料，新鮮做起…
正唔正宗？唔理喇，好食咪得囉~
張貼