影片
更多
2016-11-09
350 瀏覽
十月頭首訪權八參加了佐賀主題發佈會後，心裏經常掛念權八的美味食品，在十月尾的一天終於可以再次到訪品嚐美味佐賀食材的精美料理。這天終於可以好好欣賞權八的環境，熟悉的木製傢俬坐下來十分舒適！環抱形的座位令每張枱嘅客人空間感頗足，{佐賀縣美食之旅}由現在至明年一月中每晚六時後供應。今天來個新組合一同晚餐當然要飲酒賀一賀佢啦！食日本菜唔係唔飲清酒嘛！餐廳經理推介我們這枝來自佐賀的{聚樂太閤辛口}$388。新組合乾杯後便將清酒入口，沒有預期辛辣的味道，反而帶著絲絲清香，順喉好喝！！既然有酒飲當然就要有菜配啦！{味噌脆胡瓜}$68，新鮮的青瓜配上濃香的味噌，成件事昇華至鮮甜爽脆的境界。另一款小食係我以往在酒吧最喜歡吃的{炭燒雞泡魚乾}$88，這兒的雞泡魚乾燒得軟熟油潤，點上邪惡嘅蛋黃醬簡直係喝酒的最佳拍檔。先由這款佐賀美食{竹崎生蠔伴有明海新鮮海苔}$80揭幕，Creamy又肥美的竹崎生蠔味道鮮甜，配上香濃的有明海新鮮海苔真係鮮味無限喔！鮮甜味美當然不能給它停下吧！再下一城點了{牡丹蝦刺身
這天終於可以好好欣賞權八的環境，熟悉的木製傢俬坐下來十分舒適！
環抱形的座位令每張枱嘅客人空間感頗足，{佐賀縣美食之旅}由現在至明年一月中每晚六時後供應。
今天來個新組合一同晚餐當然要飲酒賀一賀佢啦！食日本菜唔係唔飲清酒嘛！餐廳經理推介我們這枝來自佐賀的{聚樂太閤辛口}$388。
新組合乾杯後便將清酒入口，沒有預期辛辣的味道，反而帶著絲絲清香，順喉好喝！！
既然有酒飲當然就要有菜配啦！{味噌脆胡瓜}$68，新鮮的青瓜配上濃香的味噌，成件事昇華至鮮甜爽脆的境界。
另一款小食係我以往在酒吧最喜歡吃的{炭燒雞泡魚乾}$88，這兒的雞泡魚乾燒得軟熟油潤，點上邪惡嘅蛋黃醬簡直係喝酒的最佳拍檔。
先由這款佐賀美食{竹崎生蠔伴有明海新鮮海苔}$80揭幕，Creamy又肥美的竹崎生蠔味道鮮甜，配上香濃的有明海新鮮海苔真係鮮味無限喔！
鮮甜味美當然不能給它停下吧！再下一城點了{牡丹蝦刺身}和{油甘魚腩刺身}，前者入口黏稠味鮮，綺麗纏綿，後者魚油豐富甘香馥郁，質感彈牙，吃得我們超滋味呢！
{豐水梨沙律伴西班牙火腿}$128，這個沙律的亮點絕對係豐水梨，爽脆香甜得平時不愛吃梨的車媽媽也豎起拇指讚好，用來伴鹹香的風乾火腿吃跟用菠蘿的風味不遑多讓啊~
既然一場黎到權八冇理由唔試壽司呀！所以我們一人點了一件壽司嘆吓，我得到{左口魚壽司}$48。
呢隻左口魚係車爸爸平時愛吃的，貪佢魚油夠晒豐富，這兒的魚脂亦同樣豐盛入口十分柔潤，而壽司飯亦都鬆軟不散，質素不錯呢。
但係之後來的{香蔥吞拿魚腩卷}$138好吃得我如痴如醉呢！隨著香甜青葱和鮮味的魚子，配合油潤的吞拿魚腩怎會不令人癡迷呢！
{有明海脆海苔蝦餅天婦羅}$88，從我小學開始已經十分鍾情海苔紫菜類的食品，所以這份天婦羅車媽媽十分喜愛呢，簡單而美味鮮甜香脆有口感，已經十分好吃！！
珊珊來遲的{唐津灣池魚他他}$268，剛落機送來的池魚，終於有緣送到我們的咀邊了。
同上還有這些有明海海苔，用以襯鮮嫩池魚吃，又別有一番風味呢！
師父見我們飲酒飲得咁開心，亦都送上這份唐揚赤米蝦$148，其實我之前已經係居酒屋試過這赤米蝦，但係我要同你講權八做得十分出色，酥香鮮味之餘毫無半點油膩，加上芥末蛋黃醬一齊食又要開多枝清酒喇！
已經食咗咁多嘢但係其實而家先到戲肉，第一份這個{金勝豚肉泡菜金菇卷}$48。
這而兒最耍家的串燒果然沒令人失望，金星豚肉味香濃，師傅燒至恰好，內裏的金菇菜十分爽口，這種質感還是第一次吃到好神奇啊~
雖然我唔吃牛但係好友們喜歡嘛！{燒一口佐賀牛}$148，兩位好友吃完之後只咪眼沒哼一句，便知質素好到哪一個點啦！
當然咁好食嘅牛唔好畀佢停啦！好好的繼續享受，{佐賀蒸籠料理配佐賀牛}$388，看那牛肉的雪花多美，連吃不了牛的車媽媽都有啲流口水喎！
另外還會配上一些新鮮嘅蔬菜，然後加上牛肉放在特製的蒸籠內，不消一會好友便可以品嘗到油脂豐盛，牛味香濃的佐賀牛肉喇。
而我跟另一位不吃牛的美女則盯著這個{嬉野溫泉豆腐鍋配麓赤雞肉}$238，還記得上一趟發佈會試過這雞，印象深刻今次可以重溫太美好了！！
這個食法真的好特別，店方由日本空運溫泉水回來香港，原來這水特質會令到豆腐溶掉在水中變成豆漿好神奇呢！
接著我們便可以放入佐賀麓赤雞和我十分喜愛的水菜，豆腐溶掉後試了一口湯果真滑溜香甜，大家有機會一定要去試下喔！
最後我們還是了{松葉蟹柳蕎麥麵}$138，通常凍食蕎麥麵今次選擇了熱食，感覺又幾唔錯喎！加上鮮甜松葉蟹給了我一個很好的印象。
雖然我哋真係十分十分飽但係一定要試埋呢一個{伊萬里豐水梨雪糕}$78，剛才試過的清甜豐水梨，這回轉成甜樣好一個華麗轉身。
最讚嘅係這個雪糕下的豐水梨份量超多吃得大家十分滿足呢！我覺得它絕對得住這價錢有多囉!
張貼
