龍亭

唔係跟朋友黎都唔知佐敦開左間咁隱蔽既鐵板燒，餐廳環境裝修得幾高級，座位雖然唔係好多，但坐落幾寬敞舒適。我地兩個都分別叫左個入門廚師發板套餐，另外再多個鵝肝多士share黎食。沙律鐵板海鮮兩品海鮮選擇豐富，可以係鮑魚、扇貝、大蝦、白鱔同東星斑片五款海鮮入邊揀兩款。我地平時都比較好食魚類海鮮，所以最後揀左白鱔同東星斑片。兩款魚肉口感十分滑嫩，而且燒得外脆內軟，尤其係白鱔，味道非常香口。鐵板肉類一品至於肉類我地揀左medium rare既牛柳，牛肉略嫌燒得有少少韌，但牛味非常之濃郁，配上一旁既香脆既蒜片，食落十分滋味。炒飯炒飯鑊氣十足，飯粒炒至乾身，呈金黃色，面頭仲有隻大大粒鮮蝦，非常美味。是日甜品鵝肝多士鵝肝油脂十足，兩個人share黎食岩岩好，唔會覺得太漏。野飲方面，我地叫左枝純米吟釀share黎飲，純米吟釀飲落比想像中易入口，而且口感順滑，非常高質。