影片
更多
2023-03-23
174 瀏覽
女人係善變的動物講得一點也沒有錯, 話說早上先跟友人講起去佐敦某某咖啡店打卡,點知收工後小編突然轉軚想食炒小菜又想食炒蜆於是就周圍搵左一陣啦, 直到官涌街街市附近諗住放棄之際🙃 點知甘岩見到底層有個彩色餐牌放左係到, 仲寫住幾道吸引小編胃口的菜式, 於是就跟友人上去一探究竟👀。一上到去己聽到好大聲的炒菜鑊氣聲, 仲見到每台都放滿不同的炒小菜菜式, 立刻吸引了小編留低進餐了😁。 估唔到大排檔都緊貼其他食肆採用手機落單, 菜式仲十分多好難逐一說出😉。 小編從電子餐牌中諗左好耐先點到以下四道菜🤔。🐔沙薑新鮮雞腳目測雞腳份量都幾多下, 起碼有成十幾隻以上, 隻隻Size都好平均唔會話有幾隻特別腳細😆。 另外不得不讚每隻雞腳都剪哂腳甲十分貼心又衛生👍🏻 其味道充滿好濃的沙薑味, 雞皮咬落好彈牙, 會令人有種引唔住好快又想食第二隻的感覺。🐚招牌豉椒炒大蜆食大排檔小編一定會點炒蜆, 因為想試下大排夠唔夠鑊, 加上店員極力推介招牌炒蜆仲話每日都會賣斷市令小編更加想食🤤。大大粒的炒蜆遞上時已聞到好香的豉椒味,真係好夠鑊氣😋蜆肉新鮮大粒又鮮甜最重要係冇沙, 果然稱得上是招牌菜。🔥肥泉小炒王用得自己店名做菜
一上到去己聽到好大聲的炒菜鑊氣聲, 仲見到每台都放滿不同的炒小菜菜式, 立刻吸引了小編留低進餐了😁。 估唔到大排檔都緊貼其他食肆採用手機落單, 菜式仲十分多好難逐一說出😉。 小編從電子餐牌中諗左好耐先點到以下四道菜🤔。
🐔沙薑新鮮雞腳
目測雞腳份量都幾多下, 起碼有成十幾隻以上, 隻隻Size都好平均唔會話有幾隻特別腳細😆。 另外不得不讚每隻雞腳都剪哂腳甲十分貼心又衛生👍🏻 其味道充滿好濃的沙薑味, 雞皮咬落好彈牙, 會令人有種引唔住好快又想食第二隻的感覺。
🐚招牌豉椒炒大蜆
食大排檔小編一定會點炒蜆, 因為想試下大排夠唔夠鑊, 加上店員極力推介招牌炒蜆仲話每日都會賣斷市令小編更加想食🤤。
大大粒的炒蜆遞上時已聞到好香的豉椒味,真係好夠鑊氣😋蜆肉新鮮大粒又鮮甜最重要係冇沙, 果然稱得上是招牌菜。
🔥肥泉小炒王
用得自己店名做菜式名一定同樣是招牌菜之一啦, 每間大排檔的小炒王都各具特式, 今次這間材料分別有：韭菜、 蝦乾、 魷魚、蝦肉、 咸豬肉、 腰果, 魚干仔炒埋一碟, 係一道好適合佐酒的菜式, 最令小編覺得驚喜的係佢炒出來整體來說好乾身唔會好多油同好咸, 甘多樣配料放入口一齊食味道好富豐好多層次, 既食到腰果的香口之餘, 又食到咸咸的豬肉和蝦干味, 再夾雜韭菜可中和咸的味道, 令小編跟友人食到好開胃👍🏻。
🐟椒鹽九肚魚
也是小編去大排檔必點的菜式之一, 因為只有大排檔或酒樓才可以食到😗。
九肚魚外層炸到金黃色又唔厚粉真係值得一讚👍🏻。 咬落口脆卜卜入面魚肉入口即溶的感覺是小編愛上這道菜的主要原因, 再沾上喼汁去除部份油膩感應該大部份人都好難抵抗到佢的魔力🤤。
張貼
