$1驚喜小火鍋
講到明係燒烤放題，但餐廳而家做緊推廣，加$1就有個小火鍋！可以一邊燒海鮮，一邊打邊爐，暖笠笠，雙重享受，抵到爛啦！
座位夠晒闊落，坐得幾舒服。最正係每個座位隔離都有個「流水蝦蝦缸」，啲水清到不得了，成日見到啲生猛大頭蝦游嚟游去，侍應都好主動，一見個缸冇乜蝦就會即刻加。
個爐熱得超快，我哋一坐低就急不及待夾咗幾隻流水蝦試吓。啲蝦真係冇得頂，隻隻都大大隻，燒到變紅色就已經聞到好香。剝開蝦頭，見到啲膏多到滿瀉！食落口爽脆彈牙，就算乜嘢醬都唔點，已經夠晒鮮味！
自助區款式多到眼花
海鮮類，東風螺、鮑魚、扇貝、沙白、原條魚，最重要係佢哋refill得超快，永遠都堆到滿滿。串燒類同火火鍋配料一樣有超多選擇，有啲已經醃好一串串，，拎返去一擺上爐就燒得，超方便。
