52C Medium Rare (已結業)

佐敦最近開咗間燒肉專門店，上層食日式網燒燒肉，下層食石燒牛扒，呢到裝修同一般燒肉店好唔同，以灰白色同木系計計為主，外型成間cafe咁，環境寬敞，坐得勁舒服，又唔會好大油煙😆落單用自助售票機，店員知道我哋第一次嚟食都有主動介紹下有咩食👍🏻，套餐包括沙律、羅宋湯同白飯，餐具同水可以係自助區拎，調味料只有燒肉汁同黑胡椒鹽2款，醬料就似乎少咗啲啦🙈我哋今次試咗石燒牛扒，石板非常夠熱，食晒成塊扒都仲保持到溫度🔥封門柳係橫隔膜嘅肌肉，全隻牛得一條，非常罕有❗️ 封門柳脂肪唔多，肉質細嫩，牛味好濃郁🤤牛肩扒油脂豐富，食落有少少筋，肉質結實又爽脆多汁，幾有咬口😆