龍亭

食鐵板燒同師傅嘅交流好緊要，因為佢會掌握晒你想要嘅味道同埋生熟程度，今次食呢間龍亭其實本身喺大埔區都做緊鐵板燒，而喺佐敦嘅呢間分店設計好有心思，除咗味覺，視覺都係一種享受😍更加重要嘅係負責主理嘅鐵板燒師傅非常貼心，會根據客人嘅口味做少少調整，整體食落雖然係同一種食材，但係更加配合到唔同要求👍🏻晚市主要食返廚師發板套餐，兩個價位嘅差距在於前菜同湯☺️ 師傅首先會上咗一個煙三文魚沙律同埋魚子醬溫泉蛋，魚子醬鹹鹹地撈埋溫泉蛋食落口感滑溜，唔會過鹹，淡淡地開下胃先。當日海鮮有四款，分別係鮑魚、斑塊、帆立貝同埋帶子，每款嘅烹調手法唔同，而且有驚喜😍 帶子用牛油加黑松露醬煮好，鮑魚配蒜蓉醬，斑塊煎到連個皮都脆口，而帆立貝就配魚子醬同瓜類，中和返個味道。🥰肉類方面叫咗牛同埋雞，牛柳五成熟配自家製嘅芥辣同埋炸蒜片，三樣加埋無論係口感定係味道都超級夾，而雞就做到皮脆肉嫩，仲要超級多汁，師傅好細心咁問啱唔啱口味，又會介紹每種食材嘅特性，連個海鹽泡泡都睇得出花咗心思喺入面👍🏻👍🏻 炒飯師傅都花咗心機去做，炒出嚟嘅飯粒少少脆，粒粒分明，再加埋隻大蝦好爽口，雖然話炒飯本來就係塞飽個肚，但係師傅一啲都唔隨便，由一開